更多
2021-04-14
548 瀏覽
話說呢間香港最好食burger我已經book mark咗好耐今日終於黎試大！滿！足！店舖唔近中環站要行十分鐘左右我哋兩點半去到店內冇乜人唔使等位裝修舒適～美式風格但唔夠冷氣 哈哈哈漢堡包唔算貴百零蚊一個人已經好滿足我哋叫咗芝士牛肉漢堡$109同埋大熱嘅魚柳包$89再加多個combo辣薯條同埋汽水總共$250芝士牛肉漢堡所有配料都好新鮮！酸瓜，蕃茄，生菜，洋蔥都係好新鮮唔會有怪味所以味道非常豐富牛肉中間唔係全熟肉味濃不過唔算好厚加埋個脆皮牛油包好正不過男朋友覺得我個魚柳包仲正的確佢個魚柳包係不得了魚柳超厚有咬口魚味好濃！！聽聞佢係用鱈魚柳做我好怕食鯰魚佢塊魚柳我食得出唔係！我下次嚟都會食番魚柳包我覺得佢最特色係個包你會見到佢黃黃地色同埋佢煎得好焦脆香口比起出面其他漢堡包店佢呢樣嘢係更勝一籌不過題外話佢除咗漢堡包之外其他都麻麻哋首先可樂係唔凍嘅咁梗係冇咁好飲啦跟住薯條就普普通通脆口既但唔熱如果唔係咁肚餓其實就咁食漢堡包都夠因為佢其他嘢我覺得都麻麻地整體來講服務好，男店員好有禮環境尚算舒適，人流唔算多，無限時性價比高！平民價錢食到高汁漢堡包我同男朋友都好滿足嘅一餐佢的確係比其他漢堡包店更好食
我已經book mark咗好耐
今日終於黎試
大！滿！足！
店舖唔近中環站
要行十分鐘左右
我哋兩點半去到
店內冇乜人
唔使等位
裝修舒適～美式風格
但唔夠冷氣 哈哈哈
漢堡包唔算貴
百零蚊一個人已經好滿足
我哋叫咗芝士牛肉漢堡$109
同埋大熱嘅魚柳包$89
再加多個combo
辣薯條同埋汽水
總共$250
芝士牛肉漢堡所有配料都好新鮮！
酸瓜，蕃茄，生菜，洋蔥都係好新鮮
唔會有怪味
所以味道非常豐富
牛肉中間唔係全熟
肉味濃
不過唔算好厚
加埋個脆皮牛油包
好正
不過男朋友覺得我個魚柳包仲正
的確佢個魚柳包係不得了
魚柳超厚有咬口
魚味好濃！！
聽聞佢係用鱈魚柳做
我好怕食鯰魚
佢塊魚柳我食得出唔係！
我下次嚟都會食番魚柳包
Fish burger
$89
5 瀏覽
0 讚好
0 留言
我覺得佢最特色係個包
你會見到佢黃黃地色
同埋佢煎得好焦脆香口
比起出面其他漢堡包店
佢呢樣嘢係更勝一籌
不過題外話
佢除咗漢堡包之外其他都麻麻哋
首先可樂係唔凍嘅
咁梗係冇咁好飲啦
跟住薯條就普普通通
脆口既
但唔熱
如果唔係咁肚餓其實就咁食漢堡包都夠
因為佢其他嘢我覺得都麻麻地
整體來講
服務好，男店員好有禮
環境尚算舒適，人流唔算多，無限時
性價比高！平民價錢食到高汁漢堡包
我同男朋友都好滿足嘅一餐
佢的確係比其他漢堡包店更好食
推薦！
張貼
