傳麵世家

營業中

休息中

教會聚會完畢, 又同老公兩個人去開餐, 在千色同街市附近揾到這間傳麵世家, 店的玻璃外牆貼滿多年來報紙雜誌的報導, 店內格局好有老字號的感覺, 不是坐得好舒適, 但滲出一份人情味, 因為大家好合作, 會讓出位置比其他客人。落單姐姐都好友善, 讓你慢慢點單。基本上座無虛席，幸好流轉快, 等位時間不需太長。原本想點清湯腩, 但因為我貪心, 特別喜愛試多幾款配料, 於是點了1個傳麵, 1個什錦。什錦配上粗麵, 有牛腩, 豬肉丸, 粉腸, 味菜等配料, 十分豐富, 而且每樣材料都不馬夫, 份量剛好。粗麵爽彈, 不糊口, 牛腩卥水味濃夠淋身, 粉腸輕卥咬出甘香, 豬肉丸彈牙自家制, 味菜也很惹味, 湯底也是調教過, 有甜味而不太濃。   傳麵配上河粉, 河粉軟硬度剛好, 加上湯滑入口, 無得彈! 有牛肚、牛腩、水餃、雲吞等配料, 牛肚卥得甘香, 略嫌牛肚太薄, 不是金錢肚, 否則口感更好。 水餃雲吞都落足料, 而且蝦同豬肉等材料比例及調味都做得好好，而且餡料新鮮, 做到皮薄餡靚。保持到水準。