椰粉湯紅 (已結業) 查看

灣仔飯腳想食滋潤啲，佢揀咗有湯飲又有飯食嘅椰粉湯紅。小店每⽇採⽤最新鮮的原料精⼼燉製湯品，而主食除中式的海南雞椰香飯、口水雞椰香飯，仲有都有日式鰻魚蛋包飯等等，選擇都好多，而最特別應該係竹絲海南雞飯，即刻叫一個試。首創竹絲海南雞椰香飯套餐 $108黑化的海南雞坊間少見，選用雞味濃的竹絲雞，肉質嫩滑有雞味，由於且坊含量低，因此食落無咁平常咁漏，竹絲雞仲有養血益氣嘅功效。椰香飯以多款香料和椰漿製成，香氣十足。皇牌菜芯苗 跟餐$12菜芯苗好甜，而且只落豉油無落油，健康呀！精選和牛椰香蛋包飯 $88蛋包飯賣相精美，伴以和牛粒、南瓜片和粟米，雞蛋嫩滑，和牛味道亦濃郁。另外仲奉上一碟椰漿，可以伴飯同吃，為味道添上一份香甜。食療拿湯杯如果係套餐會附一杯，非套餐都可以加錢飲，每個星期會換一次款，今日飲嘅係南瓜薏仁紅豆湯，每一口都飲到好滋潤，加上無味精，健康滋選。小店樓底高，入口處掛咗裝飾波波增加空間感。最得意有張相係海南雞同竹絲雞平排好趣味十足。