雲南啊老表黑山羊湯鍋米綫 (觀塘工業中心) (已搬遷) 新店位置

觀塘覓食系列又黎喇!!! 上瑜珈堂前當然要食啲嘢填填肚喇!!! 黎到工業大廈慨雲南阿老表黑羊肉米線，當然要試試佢地慨羊肉米線!!同朋友分享一大碗的牛羊雙拼酸辣米線，上台時都被嚇一嚇，真的很大碗呢!!! 牛腩片肉質軟熟唔鞋，羊肉唔騷，比較嫩，湯底清爽 ，加上大量酸菜，很惹味!!! 米線軟q彈牙，唔錯唔錯。另外仲加點兩款小食， 涼拌土豆絲和避風塘麻辣雞翼。 涼拌土豆絲爽口惹味， 味道比較麻辣，越食越開胃!!! 雞翼不算太辣，如果皮更香脆，會更好味。