影片
開飯介紹
主打羊肉米線，湯底清甜，散發淡淡的羊肉香。還有供應拍青瓜及口水雞等多款小食。
繼續閱讀
營業時間
今日營業
10:30 - 21:00
星期一至日
10:30 - 21:00
公眾假期
10:00 - 18:00
公眾假期前夕
10:00 - 21:00
以上資料只供參考, 請與餐廳確認詳情
係觀塘搵Lunch食，搵到呢間隱世好好食既羊肉米線店！羊肉大碗米線，賣相平平無奇，但係食落去就知啲羊肉好新鮮好夠味，而且大大塊，個湯都好鮮甜，呢個真係大力推薦！拍青瓜，美味！簡單！美味口水雞，口水雞唔會好辣，幾好。滷海帶，分量好多，簡單的前菜。水餃，有白菜和韭菜口味，我地兩款都點咗，都不錯。煎羊架，羊架的味道很好，很香，羊味十足，他們的羊肉真的很出色，必點！今次已經第二次食啦，上菜速度都好快，而且員工態度很好。
繼續閱讀
今天來到呢間叫雲南啊老表黑山羊湯米線,實在唔能錯過佢哋的招牌米線。第一眼見到餐碗時,就已經被湯底的深棕色吸引住,看似濃郁醇香。食落之後,果然口感濃厚,帶點酸辣,真係超適合我呢種喜歡刺激味蕾的食客。湯底入餡肥瘦適中的羊肉也很軟嫩,入口即溶,加上彈牙的米線,真係完美融合。另外,擺盤也很講究,配襯有特色的陶瓷碗,給人一種優質食店既感覺。雖然環境比較簡單,但一點都唔影響用餐體驗,反而有種返回家鄉的感覺。而且店員非常熱情友善,對於食客的需求都能即時滿足。總體黎講,呢間店既羊肉米線真係又好味又超值,特別係對於喜歡吃重口味既我黎講，枱面其實仲有擺D調味料例如酸醋，辣椒油同埋菜圃等等俾客人自由添加。同埋如果有大胃口的朋友,不妨都可以試下加大份量,因為個碗看落真係幾夠味。由於味道夠吸引,我相信只要再多次光顧,一定會成為我最愛的米線店之一。
繼續閱讀
基本上天氣一轉涼，或者落完雨涼少少就有情意結嚟呢度食碗羊肉米線。今日落完雨又係涼涼地有觸動到我呢個食羊肉嘅念頭。每次嚟都係食大碗藥，早幾次嚟嘅時候見佢個羊雜米線都想試，今次就轉下口味。先問咗佢楊集裏邊有冇羊肉，侍應話冇，所以另外加咗$30加咗一份羊肉，因為之前見隔籬枱嘅人，嗌羊肉米線嘅時候都會會加羊肉。因為試新嘢都係唔好嗌咁大碗今次嗌咗細碗嘅。一見到玩嘢，就出事啦，原來啲羊雜係切絲。主要係有羊肺同羊肚，另外食到兩條羊腎嘅感覺嘅絲狀物體。食落去嘅口感唔多好索索聲。好彩加咗份羊肉打底，下次都係乖乖地食返羊肉大碗米線穩陣。
繼續閱讀
觀塘非常出名山羊米線，主打雲南正宗味道，價格親民所以好多打工仔都會食午餐!! 🐐- 羊肉大碗米線 HK$65 🐐🍜必叫招牌菜!!湯底清甜散發淡淡羊肉香氣，山羊肉香氣十分濃郁，香而不羶，肉質細緻緊緻，羊肉控一定要試!!- 羊雜酸辣細碗米線 HK$56 🐐🍜🌶️酸菜超好食!!羊雜米線係隱藏菜式，識叫先會叫到，係香港比較少見羊雜。每款羊雜都會有少少，充滿羊香氣，口感爽口。酸辣米線每碗都會有大量酸菜，咸度酸度辣度都岩岩好，食到停唔到手。除左酸菜仲會有幾粒豬油，炸得香脆可口，超正!!
繼續閱讀
鍾意食羊嘅朋友，必試觀塘呢間米線平時已經人來人往，假期都一樣咁多人呢度米線有分細碗同大碗份量超級多，如果係女仔，一碗大碗應該食唔晒🔸牛羊米線佢可以混合搭配材料，今次一次過試哂羊同牛。羊肉蘇味較少👍🏽，牛腩則較諗身👍🏽👍🏽米線份量多，價錢性價比高🎉🎉加$1 可以多酸菜 配料添加酸菜令到米線味道更加豐富如果想食更多羊肉，建議叫羊架，串燒肉量相對較少。但地點校格攝，距離地鐵站都有一段距離😵💫
繼續閱讀
您可能會有興趣的...