大家樂 (已結業)

一人晚餐,途經呢間大家樂諗住快食,見到圖片鰻魚飯個樣都唔錯就揀咗...係好快,3分鐘就出到餐,但係個釜飯上面條鰻魚比起幅圖起碼細左三分一,仲要係超乾!係喺爐上面烘過籠果種...條鰻魚太黐住個燒架,我夾唔起,於是走返去取餐處同佢講叫佢換一條比我.等新個條嘅時候,佢响我面前銷毁個條“鰻魚乾”,由於太乾嘅關係,佢就咁倒,倒條魚唔郁,要揾筷子大力篤佢落桶, 我忍唔住問佢,“你而家知條魚有幾乾啦?”佢唯有答“黎緊呢條ok㗎”温馨提示小心中伏,都係食番豬扒飯同鐵板餐算嘞