彩雲軒 (已結業)

早一排黎開呢頭, 於是就黎左呢間酒樓飲茶食晏, 一如師傅所講其實飲茶真係冇咩值得講, 如果唔係太出色, 跟本上就講唔出佢有幾好; 而呢間酒樓亦係一樣, 講唔出佢有幾好味, 但唔好味嘅食物就可以講下!師傅都柯打左好多唔同嘅點心, 其中以椒鹽魷魚鬚同紅油抄手最為失敗, 椒鹽魷魚鬚炸得麻麻, 加上炸左出黎都幾腍, 而魷魚本身就幾韌幾硬, 唔算好味; 紅油抄手就淨係得個咸字, 加上餃子味道唔得, 好差, 師傅食左一隻後成碟剩番晒! 至於其他實食亦不過不失, 可以接受!總括黎講食物質素可以, 環境就幾好, 服務態度殷勤友善, 價錢就唔算平, 兩個人飲茶最後埋單要三百幾, 價錢係貴d, 不過就真係真係叫左好多野食, 所以都叫抵食; 下次有機會都可以再黎, 笑臉都可以一比!