大紅袍火鍋料理

營業中

休息中

香港的火鍋選擇好多, 港式、台式、重慶、泰式等等應有盡有，但對港式火鍋始終有情意結，鍾意佢地湯底夠地道之餘，火鍋配料新鮮，所以久不久就會約朋友食港式火鍋。今次就同朋友去荃灣大紅袍，早係開業時已經同朋友食過佢太子的分店，一直都推介，今次就朋友轉戰荃灣，依然好味，隔離枱的日本人都大讚，而且地方寬敞舒適，同朋友一齊嚟打邊聚會就最啱!🌟椰子雞湯底推介呢個椰子雞湯底，超清甜，上枱時有半隻雞及足足兩個椰青，真材實料由你落鍋，打邊爐前先飲啖湯，超正!雞件分量超多，足有半隻，而且落完邊爐都依然嫩滑。🌟手切封門柳($268)封門柳真的不用多介紹，肉味濃郁有口感之餘又嫩，手切更有口感，好味!🌟廣島蠔刺身(6隻)($118)刺身級的廣島蠔，生食都可以，嫩滑鮮甜，啖啖海水鮮味!🌟鬼馬蝦膠($75)彈牙蝦膠釀在油炸鬼內,再加上蟹籽有卜卜脆口感。蝦膠彈牙,而油炸鬼則硬身,再加上蟹籽,口感豐富又吸收晒湯底! 油炸鬼一放入湯就會自動反轉蝦膠朝下,十分鬼馬!🌟大蜆($98)新鮮無沙, 大隻又夠鮮甜!🌟招牌餃(半份)($54)叫得招牌餃果然是出色，招牌餃即是黑松露肉蟹餃，隻隻餃好飽滿，內裏全是一絲絲的蟹肉，超鮮味! 必食