影片
更多
2021-04-05
784 瀏覽
2021年3月29日 星期一老婆已經開始放復活節假，而我仲要返多幾日工先開始放假，大家都已經係holiday mood所以夜晚都唔想煮飯食，就決定出去銅鑼灣搵嘢食行到去糖街見到有個新商場喺戲院隔離，就諗住上去行吓，點知一上到去已經充滿驚嚇嘅感覺，周圍嘅氣氛都佈置到好似萬聖節咁，行到盡頭就有一間餐廳由門口望入去已經瀰漫着恐怖嘅氣氛，每一件擺設都好有心思睇返餐牌，見到食物嘅名稱好特別，感覺似係食fusion菜，選擇都有幾多，所以最後決定入去試吓，叫左一啲小食同飲品叫完嘢食之後再睇返周圍嘅環境，發現其中一邊牆上面有好多骷髏骨頭嘅圖畫，鍾意骷髏骨嘅朋友一定唔可以錯過等咗大約十幾分鐘，第一份小食秘魯墨魚條就黎到，每一條都幾厚身，點埋酸辣汁一齊食嘅話感覺會冇咁油膩，咬落去幾彈牙之後有鬼混番薯條，我哋要咗話梅粉撈埋一齊，食落去好脆口，而且因為有話梅粉嘅關係，食落去鹹鹹酸酸咁，幾開胃，份量都唔少，兩個人食一定夠之後有主菜薑蔥炒龍蝦米仔粉，冇諗過西餐都可以用薑蔥炒，食落去真係有薑蔥嘅香味，而且米仔粉嘅口感好特別，同薑蔥龍蝦幾配合飲品方面我要左白朱古力抹茶沙冰，飲落去充滿抹茶嘅香味，而白朱古力又唔算太過甜
老婆已經開始放復活節假，而我仲要返多幾日工先開始放假，大家都已經係holiday mood所以夜晚都唔想煮飯食，就決定出去銅鑼灣搵嘢食
行到去糖街見到有個新商場喺戲院隔離，就諗住上去行吓，點知一上到去已經充滿驚嚇嘅感覺，周圍嘅氣氛都佈置到好似萬聖節咁，行到盡頭就有一間餐廳
由門口望入去已經瀰漫着恐怖嘅氣氛，每一件擺設都好有心思
睇返餐牌，見到食物嘅名稱好特別，感覺似係食fusion菜，選擇都有幾多，所以最後決定入去試吓，叫左一啲小食同飲品
叫完嘢食之後再睇返周圍嘅環境，發現其中一邊牆上面有好多骷髏骨頭嘅圖畫，鍾意骷髏骨嘅朋友一定唔可以錯過
等咗大約十幾分鐘，第一份小食秘魯墨魚條就黎到，每一條都幾厚身，點埋酸辣汁一齊食嘅話感覺會冇咁油膩，咬落去幾彈牙
之後有鬼混番薯條，我哋要咗話梅粉撈埋一齊，食落去好脆口，而且因為有話梅粉嘅關係，食落去鹹鹹酸酸咁，幾開胃，份量都唔少，兩個人食一定夠
之後有主菜薑蔥炒龍蝦米仔粉，冇諗過西餐都可以用薑蔥炒，食落去真係有薑蔥嘅香味，而且米仔粉嘅口感好特別，同薑蔥龍蝦幾配合
飲品方面我要左白朱古力抹茶沙冰，飲落去充滿抹茶嘅香味，而白朱古力又唔算太過甜，同埋真係成杯都係沙冰黎，夠晒冰凍
最後仲有甜品，佛手柑伯爵茶奶凍，冇諗過佛手柑同伯爵茶都幾夾，唔算太甜，而且擺盤都幾靚，可以配埋餅碎一齊食
雖然食咗唔係好多嘢食，不過整體感覺都唔錯，仲可以食埋個氣氛添
張貼
