395
17
8
開飯介紹
人氣打卡餐廳,裝修走復古奢華風格,並保留舊店的大宅設計;食物則以fusion口味為主,糅合泰、越、西式美食特色,風味獨特。 繼續閱讀
附加資料
Last order : Sun-Mon:21:00 Fri&Sat:21:30
營業時間
*午餐供應至14:30 最後落單時間21:00
星期一至四
09:00 - 22:00
星期五至六
09:00 - 22:30
星期日
09:00 - 22:00
付款方式
Visa Master 現金 銀聯 Apple Pay Google Pay
座位數目
60
其他資料
網上訂座
Wi-Fi
酒精飲品
自帶酒水
切餅費
VIP房
外賣服務
加一服務費
室外座位
以上資料只供參考, 請與餐廳確認詳情
食評 (446)
等級5 2024-03-13
419 瀏覽
🤹🏻‍♀️熊妹難得星期六放假,又適逢B豬星期六返半晝,熊妹就等埋佢放工係佢公司附近揾間靚靚cafe chill下喇。📌西環自從開拓左新地鐵線🚇有西營盤站同香港大學站之後,附近開多左好多食肆,同以前讀書時變遷好大。📌《Vie Won Won》係以前銅鑼灣《鬼混》店搬遷到黎而家石塘咀香港大學站附近,地鋪變大左,有地下同一樓兩層,仲有室外雅座,可想而知,餐廳實用面積都幾大下。📌地面層走田園歐陸風,露天位置有擺放樹木盆栽🎍,感覺好清新綠化🍀。📌走進餐廳,開始有種神秘迷幻的感覺,亦是前店《鬼混》行走的風格。行上復古式的樓梯,牆上還掛滿各式各樣的文字📜、畫像🖼及擺設,神秘得來又好有藝術風格🎭,玩味十足之餘帶點書卷氣息📚,真係好岩文青們過來chill一下。📌上到上層,環境好大,有兩個大廳,一邊是充滿陽光的歐陸田園風🌴,另一邊是大玩復古風味🎯,兩者各有特色,截然不同。📌走過兩邊,有種強烈光暗對比,感覺好特別,好有氣氛,一間餐廳的裝潢設計而營造出良好的用膳氛圍,絕對是令食客能夠享受美食的重要元素,明顯地,《Vie Won Won》在這呢方面是落足十分心機💖。📌保留原店的酒吧位「那怕無酒」,依然佔據了一個corner位,牆身仲閣置了一支支紅酒🍾,擺設真係好嗆眼👀。📌Menu係大路cafe 款式,由前菜沙律🥗、小食🍢、主菜意粉🍝、燒春雞🐥、豬鞍🐷、牛排到甜品🍩等等,咩都有齊,可以輕食休閒抖一下,又可以大夥兒來歡樂聚餐🥳。📌除了咖啡店必有的沖調咖啡,講明「那怕無酒」,當然唔少得酒精類飲品🍸,唔怕無酒飲,最怕飲到唔走?🙈櫻花蝦配阿根廷紅蝦闊條麵,$188B豬好鍾意食蝦🦐,可以話係食蝦專家,見到呢款紅蝦意粉當然二話不說一定要試喇!一上枱,紅蝦意粉芬香撲鼻👃🏻,以櫻花蝦醬撈起的意粉🍝加埋三隻大紅蝦🦐放上面頭,成件事就係紅粉出場,真係非常吸睛。三隻阿根廷紅蝦絕對係B豬愛蝦人士的大恩物。餐廳好窩心地將蝦殼已經剝起,一咬就可以咬到入邊嘅蝦肉,蝦肉非常彈牙,超級重海蝦味道🌊,再噀下蝦頭,啖啖蝦膏出晒嚟,濃濃嘅蝦醬味道,食到成口都係海蝦味,明顯地闊條麵用蝦油炒成,連面條都好重蝦味,食到最後碟上面都仲見到好多蝦油喺度。呢個海蝦嘅味道濃烈到係口腔入面真係會縈繞三日,食蝦專家的B豬對呢碟蝦醬配大蝦意粉真係讚不絕口,絕對係高質素嘅食材,咁嘅價錢真係絕對對得起咁嘅質素,掂!全日早餐,$158B豬揀左佢的最愛,作為港女表表者的熊妹當然都揀港女最愛-全日早餐。全日早餐有兩塊煙肉🥓、一條大德國腸、半個大蕃茄🍅、牛奶炒蛋🥚、一件薯餅、一片竹炭多士切成四片🍞同埋一堆沙律菜🥗。材料咁豐富,色彩咁繽紛,就係港女最愛打卡嘅全日早餐。煙肉兩塊好大一塊,厚身嗰款,煎香咗之後,鹹鹹地煙燻味重,肥肉位又唔係好油膩。德國腸大條到有一隻手掌咁長,食腸仔最鍾意就係啖啖肉無肉渣,好豐富好有口感。食咗啲肉就又可以食啲菜解吓膩,一堆沙律菜撈上黑醋汁,仲有大半舊新鮮蕃茄酸酸甜甜,清新左個口之後又可以食其他,所以話全日早餐真係好豐富。三角形薯餅唔係好大一塊,炸到好脆口粒粒薯粒🥔好有咬口,牛奶炒蛋炒到好滑身,蛋味好重之餘又可以散發出淡淡嘅牛奶味🥛,炒得都幾唔錯。最有驚喜嘅竟然係個竹炭多士,望落去平平無奇,黑黑實實,不嬲都知道竹炭係冇味道,但竟然食落去係好重牛油香味,塗上嘅牛油唔油膩,牛油搽落多士上面令到麵包香味更出,從來都冇諗過竹炭多士可以咁好味。迷幻菇蘑,$98兩個人食完兩款鹹食,就當然係甜品着手啦!《Vie Won Won》嘅招牌甜品「迷幻菇蘑」一定要試一下!好特別嘅形式上枱喎!一個玻璃罩焗住煙燻氣體,一揭開蓋,陣陣煙燻嘅味道散發出來🌫,彷彿讓人會產生一種迷幻的感覺,當氣體散開之後,就可以見到一大粒蘑菇🍄出現,果然好切合主題,迷幻菇蘑!咁迷幻嘅蘑菇究竟其實係一款咩甜品呢?上層紅色蘑菇蓋原來係紅莓慕絲,慕絲質感好滑身,一啲都唔膠唔硬,中間仲有啲紅莓醬,本身熊妹都好鍾意食紅莓,呢個紅莓真係啱晒鍾意食酸酸甜甜嘅熊妹,紅莓嘅酸甜味真係可以好解一餐飯嘅油膩。蘑菇白色菇定硬硬地,原來係雪芭,再食吓發現中間仲有啲果肉,食吓食吓就食得出原來係荔枝,荔枝雪芭食落去好清甜,清新得來又帶點夢幻💫,食到有飄飄然嘅感覺😌,講真,呢個迷幻蘑菇作為一餐飯嘅飯後甜品,食完清一清口腔,真係好舒服,解濟又解膩,果然係鎮店甜品。牛油果奶昔,$62B豬心大心細,其實好想飲牛油果奶昔,但又驚肥,比熊妹說下說下都係飲下啦!一杯青綠色的奶昔係一堆食物中鶴立雞群,一枝獨秀,望落去咁清新真係好想一啖啜落去係咩味!嘩!好特別喎以為係好肥膩可能會好滯嘅一杯牛油果奶昔,飲落去原來放咗啲柚子蜜🍯,令到淡淡嘅牛油果味🥑再加少少柚子嘅酸甜,變成係一杯好清新嘅夏日飲品🍹,一啲都唔肥膩,B豬仲好多謝熊妹堅持佢飲添!唔使客氣喎!最緊要開心!Flat White,跟餐價,加$24熊妹嚟到咖啡店梗係要飲咖啡啦,熊妹當然揀最愛的Flat White。典型心型的拉花💗,陣陣咖啡香味滲出淡淡的牛奶味,咖啡味唔係太濃,混合一層奶泡層🍼,牛奶咖啡味喺口腔入面縈繞着,這就是熊妹獨愛Flat White之處。📌環境氛圍喺用膳體驗方面對熊妹嚟講係一個好重要嘅元素,大玩復古風味又帶點神秘的《Vie Won Won》無論環境、食物質素、味道在咖啡店排名中都佔上較高的位置🔝,相信好多來過的人都會因為這份獨特的氛圍而再三到訪。 繼續閱讀
等級4 2023-12-14
1622 瀏覽
西環海邊有唔少西餐廳,不過今日我去開香港大學站附近食午餐,自然就諗起呢間裝修非常有特色嘅餐廳- 鬼混午餐有好多選擇,有lunch set 亦可單點,考慮左好耐終於拍版叫咗以下食品:自制蕃茄醬蟹肉意大利飯真材實料打成嘅蕃茄湯🫶🏻意大利飯非常chewy,蟹肉份量好多,蕃茄醬味道適中,啖啖都有豐富嘅蕃茄同蟹肉鮮味,非常配合🫶🏻凍檸茶with honey - 酸酸地,透心涼,解膩⼀流自家製培茶bagel +薯餅+牛油果招牌自家製bagel,切落去已經覺得同出邊街邊買到嘅非常唔同,佢係咬口十足再配合佢獨家嘅麻糬同味道非常濃嘅培茶,呢個係出邊冇乜機會食到嘅❤️再加牛油果同脆薯餅,好飽肚Ginger honey coffee 我好鍾意飲薑味,呢度嘅薑味鮮奶咖啡完全冇令我失望,飲得出係鮮磨薑汁,啱晒冬天嘅天氣🫶🏻芝士蛋糕-芝士控嘅我哋梗係要試埋呢度嘅招牌甜品,芝士蛋糕焗得啱啱好亦都唔會太甜,啱晒我哋食飯之後想食一點點甜嘅感覺❤️餐廳除咗有佢本身嗰啲好有玩味嘅擺設,聖誕臨近,佢哋都有好多聖誕嘅小裝飾,同佢哋嘅古典大屋嘅感覺非常配合,好有feel 🙏🏻👹 繼續閱讀
(以上食評乃用戶個人意見 , 並不代表OpenRice之觀點。)
如果想找一個充滿藝術與神秘感的咖啡/酒吧餐廳,位於西環香港大學站附近就有一間Vie Won Won的餐廳,環境跟氣氛都超級好😍🤩餐廳一共分了上下兩層,從一樓上第二層會經過鋪滿了不同的風格和主題的畫作及文章的牆壁🤩,營造出一種藝術氛圍,而且餐廳的空間都比較廣闊,整體感覺都很舒適。⭐️BOTTOM SIRLOIN WITH FOIE GRAS⭐️香煎鴨肝配下腰脊牛扒 $308With puff pastry & cocoa gravy star anise sauce.五成熟的下腰脊牛扒🥩鮮嫩又多汁,有香濃的牛味,配上奶油味超重的鴨肝,以薯蓉及蘆筍作配菜😋😋⭐️CRAB MEAT RISOTTO⭐️蟹膏蟹肉燉飯 $198A creamy rice dish with fresh crab meat.這個燉飯好好吃🥰加入了蟹膏與忌廉汁的燉飯,讓整個飯的鮮味提升😋而且醬汁讓飯的口感很creamy⭐️MAGIC MUSHROOM⭐️迷幻蘑菇 $98原來是雪糕🍧上層紅色的菇Cap係紅桑妹雪糕酸酸甜甜的,而菇Stipe是檸檬雪糕,也是酸酸甜甜超開胃的! 繼續閱讀
(以上食評乃用戶個人意見 , 並不代表OpenRice之觀點。)
等級4 2023-11-22
1094 瀏覽
韻兒平時好少去西環那邊餐廳…今天心血來潮到石糖咀逛逛🤭餐廳門面很隱蔽☺️被門外的樹遮住介紹下餐廳吧: 餐廳分2層,下層是室內咖啡室和室外座位╰⁠(⁠⸝⁠⸝⁠⸝⁠´⁠꒳⁠`⁠⸝⁠⸝⁠⸝⁠)⁠╯我們安排坐樓上…經過一條陰暗的樓梯就到達🤭樓梯間掛滿了不少藝術元素🙈視覺效果滿分🪄樓上的燈光一樣很有氛圍感,四週佈置了不同的神像Baby pork Rib $268Baby pork Rib是一道豬肋骨料理。肉質鮮嫩多汁,帶著香氣和口感。豬肋骨烤至金黃色,表面的烤痕增添了一份獨特的風味。此外,這道菜還搭配一些配菜和芥末醬,能夠提供更多的層次感和口感。Crab Meat Risotto $198飯粒煮得入味且Q彈,蟹肉則非常新鮮。整體而言,這道菜的味道非常濃郁,令人回味無窮。配料的搭配也恰到好處,蟹肉的鮮甜與飯粒的口感相襯得天衣無縫。Lemon Marmalade Soda $48混合了檸檬的酸味和果酱的甜味,酸甜的味道中帶有檸檬的清新香氣。Chardonnay Chile (G) $78這款葡萄酒口感較為圓潤,酸度適中,適合搭配各類菜肴。Vie Won Won西環石塘咀南里8號地舖 繼續閱讀
(以上食評乃用戶個人意見 , 並不代表OpenRice之觀點。)