236
15
1
港鐵銅鑼灣站 E 出口, 步行約4分鐘 繼續閱讀
電話號碼
59202838
付款方式
Visa Master 現金
其他資料
餐廳運作模式 - B類
Wi-Fi
酒精飲品
自帶酒水
切餅費
VIP房
電話訂座
加一服務費
食評 (257)
「鬼混」詞解 — 1️⃣不做正事,糊塗度日2️⃣與異性過著不正當的生活 現實生活中,多少人意圖鬼混?或已經鬼混中?即使不能「鬼混」過活,至少仍可一嚐「鬼混」滋味👻Step 1️⃣ 餐湯 或 沙律🔹當日餐湯係蘑菇湯,啖啖蘑菇香,濃稠適中,明顯無用太多忌廉或奶打成,所以湯落唔會咁膩😉Choose your own (圖尾為menu)Step 2️⃣ 5款澱粉質任揀1款 - Free🔸 AGLIO E OlLO即是橄欖油意粉,怕食唔晒叫左少粉,意粉煙韌惹味非常!既香辣亦有唔少蒜粒,雖然對我黎講意粉偏硬,但不其然又食晒😌😌Step 3️⃣ 21款食物任揀 - 6 items $158🔹半熟溫泉蛋標明使用日本蛋,當然食得放心👍🏻🔸牛面珠配甜酸菜面珠燈煮得激稔而且好入味🥰!有四五小件,附上甜酸菜能平衡油膩感,非當細心👍🏻🔹鹽焗石斑職員大讚鯖魚,可惜當日無供應轉為石斑🥺但我鍾意食魚所以都要試試,份量比我想像多,肉質幼滑鮮嫩🤤略嫌調味重手左,外皮稍稍香脆,整體不錯。🔸牛油果明太子蟹肉呢粒牛油果夠creamy質感又順滑🥰明太子不太辣,輕輕撈勻再嚐,的確美味!🔹吞拿魚蓉配山芋蓉估唔到呢到都有,吞拿魚蓉份量多,生得跟未熟既魚肉好似😂山芋蓉黏黏稠稠的,但有益健康,這口感我喜歡喔😋🔸芝士焗蔬菜蔬菜有蕃茄、椒類及洋蔥等,海量芝士輕易做出拉絲效果,濃濃既蕃茄香,有點pizza餡料既感覺🤤so heavy but yummy !Step 4️⃣ 餐飲原本包Americano / Oolong tea🔹西芹檸檬青蘋果梳打 $66難得黎到緊係叫杯特別飲品,連少飲凍野既我都要消消暑😝夏天飲梳打係最爽!西芹味唔會太濃,所以草青味唔勁!檸檬青蘋果酸酸甜甜幾開胃,職員透露係使用蜜糖,飲得放心左🤣與其話佢係梳打我覺得更似新鮮打成既蔬果汁👍🏻黎個小總結🥰不得不讚職員服務相當相當helpful 有禮!!尤其一個女職員詳細地解釋menu及介紹食物,不厭其煩地達成我既請求🙏🏻😭至於環境設計心思盡露處處可見,由門口到餐廳最入無一個唔係打卡位,餐廳闊落開揚,窗口位透光度一流😎食物既多變又選擇多,擺盤亦顯誠意,用色大膽鮮艷,玩命十足甚為搶鏡😈 繼續閱讀
(以上食評乃用戶個人意見 , 並不代表OpenRice之觀點。)
銅鑼灣嘅後花園-鬼混飯堂,滿分嘅裝潢設計、有心思嘅fusion菜,係有驚喜呢!Lunch Menu除咗意粉、漢堡、牛扒外仲有自選配搭,包餐湯或沙律,叫特飲亦有折扣優惠,好多選擇。先嚟嘅羅宋湯足料夠味,隻湯碗都特別靚!想飲蘑菇湯但當日冇晒,下次再試試~抹茶卡邦尼烏冬夠晒gimmick,開頭擔心會唔夾,但其實食落抹茶味唔突出,反而幾鍾意個醬汁同烏冬,好濃好creamy,呑拿魚蓉落咗少少檸檬汁帶出鮮味,依個配搭嘅卡邦尼有特色得嚟又好味。食咗一啖麻辣意大利麵感覺似曾相識,諗諗下覺得好似譚仔呢🤣 可以將麻辣同意粉融合,真係冇諗過!魷魚亦值得一讚,薄薄一片更入味、有咬口,另外仲食到芝士同細粒帶子肉,鍾意重口味嘅一定啱~花生香蕉奶昔用咗粗粒花生醬打所以會食到粒粒花生同香蕉果肉,仲燒咗層焦糖脆脆喺香蕉上面,肥仔得嚟好有滿足感☺️ Marshmallow Coffee面頭嘅半溶嘅棉花糖同奶泡好吸引,比起奶昔更加甜~ 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-14
2471 瀏覽
清假第一時間去Vie won won🙊未到餐廳已渴望氣球沙律🎈🥗少女心到呢😝💕賣相超級吸引唷!🎈 氣球沙律脹卜卜氣球水牛芝士,底下配上煙三文魚同雜莓蔬菜沙律。除咗打卡able,口落都好fresh幾開胃!🍝麻辣意大利麵配魷魚薄片四川風味嘅意大利粉好特別,香濃麻辣香,少少辣、少少麻,好惹味唷!初時諗白色一片片係咩🤪原來係魷魚薄片!口感爽爽的彈牙,不錯唷!鍾意食麻辣火鍋嘅你一定要食❤️🍱牛油果明太子蟹肉|烤焗味噌醃鯖魚海膽汁魷魚博片|牛面珠配甜酸菜|ORZO ( CHOOSE YOUR OWN) 成條鯖魚!大條又好味😋賣相好吸引,一共16個款式可以揀齊自己鍾意食嘅,再配埋ORZO,口感似Risotto 咁creamy,配搭埋雞髀菇,好好味唷!跟餐仲配埋餐湯有鮮茄雜菜湯蘑菇濃湯可選擇呢度由門口至餐廳每一個各角都好好影!應該話連啲食物都好好影!🤣係女仔都鍾意嘅一間餐廳!齊齊鬼混唷🤪........#chantaljj銅鑼灣 #chantaljj多國菜 #chantaljjcafe #銅鑼灣美食 #hkCafe#香港打卡#香港好去處 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-09
2138 瀏覽
追月日,難得一見嘅月全食🌕,追之前先要食飽飽是常識吧。適逢喺銅鑼灣上完堂,六點鐘都未夠,可以把握機會嚟「鬼混」食個早晚餐。如果週末食,一定要訂位,我之前Walk-in真係失敗過。我相信十個有九個嚟幫襯都係為咗一睹呢度嘅環境裝修👀,呢方面佢絕對唔會令人失望。餐廳燈光偏昏暗,牆壁油上沉色調,四周圍都掛上骷髏骨圖畫☠️同放置盆栽植物,以配合返主題。講返食物,餐廳主打多國Fusion菜,樣樣都好似好正咁,齋睇菜名已經覺得好吸引😍。不過價錢就唔平,幸好食物質素對得住個價錢。龍蝦湯配脆米伴海蜇頭珊瑚蚌($218),菜式嘅造型幾特別,碟中放咗幾球飯團同海鮮🍙,而龍蝦湯就另外放置於一個茶壺內。店員建議我哋襯熱將龍蝦湯倒入,如果唔係脆米就可能唔夠淋,口感無咁正。龍蝦湯好惹味🦞,就同平日飲嗰啲一樣。本身覺得飯球應該浸完湯都偏硬,似飯焦,但出到嚟又OK,既似泡飯,又不乏脆粒🍚。餸料方面幾豐富,有龍蝦肉/蟹肉、珊瑚蚌同海蜇等,成個組合好搭調。茶葉滷牛小排沙拉($176),慢煮牛小排切件上,食用方便。🥩肉身呈少少粉紅色,生熟度剛好;唔好睇佢個紋理有明顯一絲絲,但肉質其實係軟嫩㗎。牛小排肉味濃郁,帶微微鹹香,不過就唔係好食到有用茶葉滷製過。🥗沙律菜配上多款水果,例如無花果、西柚同覆盆子等,配合埋柚子醋,食落甜甜哋,幾清新。是日心情之選($72),即係是日甜品:玄米豆腐芝士蛋糕🍰。食完主菜都等咗OK耐先上甜品,驚係咪漏單,因為心諗切餅使幾耐啊🤔。不過見到甜品後就明白了,佢並唔係一件切餅。四四方方立體嘅佢似足一嚿豆腐,伴旁鋪咗餅乾脆脆,綠色一片,行田園風。蛋糕芝士味唔強,白色部份似豆腐布甸,而綠色嗰啲位就散發住玄米香。整體唔太甜,口味又夠突出,好食🤤。題外話,其中一位男店員服務超細心,用餐過程不斷留意客人有乜需要,又會主動幫我哋斟水👍。傑出員工非佢莫屬!同場加映一:餐廳除咗有別緻裝修外,仲有開揚景觀,以下圖片就係紀錄咗鬼混的日與夜🌇🌃。同場加映二:餐廳所身處嘅地方幾得意,隔離有一間戲院🎬,但就以驚栗電影體驗館《糖街製片廠》為題材。另一邊廂,出面位置亦可變身成為市集;而下層入口位都好過癮呢👻。總括嚟講,餐廳唔止得個樣,食物水準亦都高😋,佢咁高人氣並唔係無原因嘅。晚市消費較貴,但平日午市好似有套餐,應該抵食啲。如果想來打卡,我認為絕對值得啊🤳! 繼續閱讀
(以上食評乃用戶個人意見 , 並不代表OpenRice之觀點。)
上次黎食晚餐試過呢度既招牌威靈頓白吞拿魚,簡直係驚爲天人。今日決定再黎試試新菜式。三個月冇黎,餐廳明顯由試業變正式開業。餐牌豐富左好多,有多款湯及沙拉,前菜,分享菜式,意粉飯等,主菜同甜品。菜式非常新穎有創意。今晚叫左一份主菜同一客燉飯分享,要食未食過嘅新菜式。鬼混醬豬肋骨(半份) $198另加一鬼混醬豬肋骨半份都好大份,有四大支骨,連住好多肉。餐牌介紹話呢個豬肋骨嘅特色係恆温慢煮令豬肋骨好腍。豬肋骨都真係幾易切開,而入面居然係未熟透,所以有啲咬唔開。豬肋骨油脂幾豐富,所以熟透既部分真係好脆,外皮香脆,肉汁豐富,鬼混醬(其實係燒烤醬)味道都唔錯。個人認爲如果可以全熟會更好。豬肋骨仲可以叫全份,成為$368。配菜仲有炸薯角,份量好多,炸得個皮超脆,請服務員攞左一小兜茄汁點更好味。沙律無加沙律醬,但係吸嗮豬肋骨油夠好食。燒汁日本A4和牛燉飯 $228另加一呢個係日式fusion菜式,融合日式和牛同意大利燉飯。和牛片好多,煮得半生熟,好肥美而牛味好濃,而燒汁亦調得好味,果然係日本A4和牛。燉飯反而唔係咁意式,佢唔係有嚼勁嗰種,而係濕潤度高嗰d,仲有少少拉絲。燉飯口感豐富,有粒粒豆角,雜菇細細條同爽脆薄菇片,口感豐富,而味道清淡唔過火,同和牛平衡返。燉飯上面最後撒上新鮮菜苗,藏紅花條同黃色香草,色彩繽紛。而餐牌寫明用日本進口蛋。白朱古力夏洛逸蛋糕 $78另加一雖然好飽,但係甜品都要嗌。呢個白朱古力夏洛逸蛋糕個名好靚,叫黎試吓先。賣相超靚,用左隻好靚嘅碟放好。蛋糕上面啲忌廉擠得好靚,仲擺左好多新鮮藍莓同覆盤子,再加上滿滿嘅餅碎,最後撒上唔同顏色嘅餅碎同食用花瓣,點呢款蛋糕黎慶祝特別日子真係好啱。味道方面,蛋糕切開有雜莓夾心,配合富蛋香而鬆軟嘅蛋糕,味道好夾。而好多香脆餅碎加埋香滑而唔膩嘅忌廉更加增添口感,好好味道。反而食完唔覺白朱古力味。飲品有啤酒,雞尾酒,紅白酒,咖啡,茶,梳打,奶昔,沙冰。不過今餐主打美食,所以只係簡單叫左杯凍檸水。凍檸水 $38另加一凍檸水有三塊檸檬,飲管係用紙做,支持環保,味道正常。座位舒適,裝修佈置玩味十足,作為主題餐廳都幾搞鬼。今餐特別鍾意白朱古力夏洛逸蛋糕,有興趣可以一試。 繼續閱讀
(以上食評乃用戶個人意見 , 並不代表OpenRice之觀點。)