新泰東南亞餐廳

營業中

休息中

係尖沙咀站N2一出，行過幾間鋪頭就見到新泰既門面，交通方便。落樓梯之後就見到間餐廳，環境清新，暗暗既燈光增加左唔少情調。叫左椒鹽軟殼蟹($78)，泰式蝦炒金邊粉($98)，蜜糖燒肋骨($88)。鋪滿椒鹽既軟殼蟹非常爽脆，而內里既蟹肉嫰滑香甜，口感層次鮮明，飲酒食尼碟餸一流。泰式蝦炒金邊粉賣相唔錯，由一層蛋絲網包住金邊粉，好似一個金球。金邊粉既配料有蝦，芽菜等，炒得好香，加上少少青檸汁令個味道更加突出。蜜糖燒肋骨一上菜就聞到香噴噴既味道，燒得焦焦地既蜜糖，配上熱辣辣既豬肋骨，非常惹味。而且肉嫩，唔會"鞋"。整體，食物水準高，店員服務周到，係一家大細，三五知己，情侶搵食既好地方。