龍鳳餃子館 (已結業)

今日，我在華潤大廈放工就搵嘢食。近排唔知點解，好想食餃子。就入左去呢間餐廳。望住個招牌一龍一鳳，好有中國風。望住個餐牌見到餃子有京蔥羊肉就想去試，另外就食埋韮菜豬肉。由落單到上菜大約3分鐘，先上擔擔麵。再之後6至7分鐘就上餃子。感覺等上菜的時間唔太耐。擔擔麵聞到好香的花生味。麵就幼條，但好彈牙又爽口。食落去有小小辣味。仲有肉醬，啲肉醬好多豬肉。餃子可以叫每樣五隻又或者一次過10隻。京蔥羊肉，上菜的時候都熱熱地。一咬就咇哂啲汁。羊肉唔騷，餃子餡份量又滿。羊肉好足料。韮菜豬肉就好多韮菜，韮菜同豬肉填滿哂餃子內面。韮菜好香。豬肉碎又唔乾身。兩隻餃子嘅皮整得好脆。但又唔覺太油。而且餃子皮唔太厚身，又煎到金黃色。令我會食完又再試。