小火焰韓式咖啡廳 (觀點中心) (已結業)

之前一直都有聽朋友推介過呢間餐廳，今日終於到我食啦。呢到既款式好多，面/石頭鍋飯/炸雞等等都有，仲有甜品! 我地叫叫左個炸紫菜卷，入面係粉絲黎既，炸得好香脆。另外叫左個韓式甜辣年糕炸雞。如果少人去食，炸雞仲可以叫半份，咁就可以試多D款式啦。炸雞炸粉唔厚，都幾辣，個人建議可以將炸紫菜卷沾下個炸雞醬會更好食! 入面既年糕都好出色。之後叫左個柚子明蝦水冷面，平時食親D韓國餐廳多數都係得最基本既水冷面，但呢到既水冷面都有分好幾種。柚子明蝦水冷面食落幾fresh ，蝦都幾大隻。甜品我地叫左糯米糍3.6 牛奶雪花冰，上面仲有個朱古力雪糕，雪花冰去到底都仲有朱古力醬，所以食到底都仲好夠味，好滿足。