影片
更多
2022-08-23
3516 瀏覽
星期六去咗太古城睇戲🎬，之後就順便食埋晚飯。我哋幫襯咗位於Apita內嘅「Sensu」，因為見環境幾舒服，食物價錢亦屬合理水平。呢度嘅裝修主題係露營Camping⛺️，感覺幾得意，有啲枱仲擺咗露營燈作點綴添。環境以外，店員們嘅服務態度親切有禮，抵讚。餐廳主打日系西餐🎌，食物同飲品款式繁多。餐牌設計精緻，而食物賣相亦同樣吸引。咖喱豚肉漢堡扒歐姆蛋包飯($128)，🍛蛋包飯配咖喱好夾，咖喱係日式唔辣嗰種，連小朋友都啱食。飯粒用上珍珠米，茄汁味唔會太酸，而且蛋香好強。我本身想嗌吉列豬扒🐷，但可惜賣晒。不過漢堡扒都OK，有兩大件，兼且係厚切。黑松露溫泉蛋卡邦尼扁意粉($118)，🍝意粉嘅調味出色，難得嘅係卡邦尼汁都唔會過鹹，而且黑松露香氣突出🍄，相信係源自上面嘅薄片，用料一啲都唔馬虎。扁意粉質感彈牙，餸料就有煙肉同溫泉蛋，篤穿蛋黃撈汁一流。蔚藍星球($98)，嘆甜品嘅同時，仲有得玩。顧名思義，甜品造型係星球形狀🌍，而旁邊仲有啲曲奇碎石。餐廳提供咗個鐵錘仔畀我揼爛個星球🔨，哈哈。星球外殼係由朱古力製成，入面嘅餡有少少似提拉米蘇嘅軟芝士🧀，另外再加黑糖汁同寒天。整體味道唔錯，值得推介。靛Indigo
星期六去咗太古城睇戲🎬，之後就順便食埋晚飯。我哋幫襯咗位於Apita內嘅「Sensu」，因為見環境幾舒服，食物價錢亦屬合理水平。
呢度嘅裝修主題係露營Camping⛺️，感覺幾得意，有啲枱仲擺咗露營燈作點綴添。環境以外，店員們嘅服務態度親切有禮，抵讚。
餐廳主打日系西餐🎌，食物同飲品款式繁多。餐牌設計精緻，而食物賣相亦同樣吸引。
咖喱豚肉漢堡扒歐姆蛋包飯($128)，🍛蛋包飯配咖喱好夾，咖喱係日式唔辣嗰種，連小朋友都啱食。飯粒用上珍珠米，茄汁味唔會太酸，而且蛋香好強。我本身想嗌吉列豬扒🐷，但可惜賣晒。不過漢堡扒都OK，有兩大件，兼且係厚切。
黑松露溫泉蛋卡邦尼扁意粉
$118
67 瀏覽
0 讚好
0 留言
黑松露溫泉蛋卡邦尼扁意粉($118)，🍝意粉嘅調味出色，難得嘅係卡邦尼汁都唔會過鹹，而且黑松露香氣突出🍄，相信係源自上面嘅薄片，用料一啲都唔馬虎。扁意粉質感彈牙，餸料就有煙肉同溫泉蛋，篤穿蛋黃撈汁一流。
蔚藍星球
$98
36 瀏覽
0 讚好
0 留言
蔚藍星球($98)，嘆甜品嘅同時，仲有得玩。顧名思義，甜品造型係星球形狀🌍，而旁邊仲有啲曲奇碎石。餐廳提供咗個鐵錘仔畀我揼爛個星球🔨，哈哈。星球外殼係由朱古力製成，入面嘅餡有少少似提拉米蘇嘅軟芝士🧀，另外再加黑糖汁同寒天。整體味道唔錯，值得推介。
靛Indigo
$58
24 瀏覽
0 讚好
0 留言
總括嚟講，Sensu透過食物為客人帶來好心情😊。佢嘅主食味道不過不失，不過甜品同飲品就滿有驚喜，令人印象深刻。
張貼
