吞POT 雞煲火鍋.住家菜

營業中

休息中

打邊爐一直都係我既all time favourite ，有得食埋雞煲就緊係仲好啦，一次過滿足2個願望。呢到既雞煲都幾多選擇，而我地就簡左個比較冇咁常見既滋補螺片花膠雞煲，聽落好似好補身咁。啲雞本身就係熟，所以一上枱基本上熱返就可以食。湯底係比較偏向乳白色，入邊嘅花膠都幾多，好多骨膠原啊！雞件亦都好多，兩個人食嘅感覺食極都仲有。有驚喜嘅位置就應該係啲雞件呢都好嫩滑，而且個湯底好甜，唔覺意就飲咗一大煲湯底，仲要服務員幫我地係咁加湯。食完雞煲就可以加湯繼續打邊爐，我哋叫咗娃娃菜、蟹子墨魚滑、美國雪花特級牛肋片同埋芝士炸響鈴。平時普通響鈴食得多，呢度嘅芝士炸響鈴又真係幾有趣，中間真係會食到芝士味。墨魚滑亦都好彈牙，好新鮮呀。