新容記小菜王 (已搬遷) 新店位置

今日去開深水埗，路經「新容記小菜王」，隱約記得容記好似都有啲歷史，所以即管入去試吓手勢。地方其實唔係好大，擺得幾張枱，環境看來其實都有啲年日，雖然佢有炒粉麵選擇，不過嚟得梗係食小菜，兩個人叫咗一碟沙拉豬扒和一碟椒鹽九肚魚，加兩碗白飯搞掂。沙拉豬扒其實有啲似京都骨嘅味道，豬扒好腍，味道都幾唔錯，反而點唔點沙律醬都唔係太大影響。椒鹽九肚魚即叫即炸，新鮮熱辣，非常鬆化，加埋喼汁就可以減少熱氣，好好食。白飯唔使講就係大大碗。食緊飯嘅同時，發覺門口一路有人過嚟裝飯盒，見佢哋手上都揸住一張好似飯卷嘅嘢，似乎呢間容記都有社會良心呢！