新容記小菜王，似舊式茶餐廳，冇花巧裝潢，冇打卡位，純粹一間做街坊生意嘅小菜館。上星期去試咗三味菜式，全部都係港人熟口熟面嘅經典，冇乜創新，但勝在穩陣，唔會踩雷。🧑🍳 焗魚腸呢味係我最期待嘅，因為焗魚腸唔係間間小菜館都有得食。上枱時香味撲鼻，焗得夠乾身，冇腥味，魚腸處理得乾淨，口感煙韌，配埋少少洋蔥同醬汁，幾惹味。不過略嫌份量唔多，兩三啖就清晒。🔥 黑椒牛仔骨牛仔骨切得厚薄適中，煎香後淋上黑椒汁，味道唔錯，黑椒夠香但唔會太辣，適合唔食辣嘅朋友。牛仔骨本身唔算太腍，但咬落去有肉味。整體嚟講係一味穩陣之選，唔會話好驚艷，但都唔會失望。🦐🥬 海鮮雜菜煲呢煲上枱時熱辣辣，煲底仲有啲滾。入面有蝦、魷魚、青口，加埋椰菜、冬菇、紅蘿蔔等，材料算豐富。湯底係清甜路線，冇落太多味精，飲落唔口渴。海鮮新鮮度中規中矩，唔係超鮮但都唔會腥。呢味就好適合一家人share住食，暖笠笠又有菜有海鮮。💬 整體感受新容記小菜王唔係嗰啲打卡熱店，但勝在夠地道，價錢合理，份量唔算大但都唔會覺得唔夠食。…Read More
。炸大腸有咬口，但嫌佢皮唔夠脆，本人覺得麻麻地
。可樂鵝醬汁香濃，上菜時撲鼻而來，鵝肉肥瘦得宜又煮到入哂味，極正
。啫啫雞煲夠火候，糯米飯應該是生炒出來夠香夠誠意，乾身得來又軟糯，都不錯吃
