Ha Noi 越南菜

營業中

休息中

尖沙咀真係多嘢食，重慶下面有個商場，表面上十室九空，但入面其實都有幾間餐廳，容易搵位，不過我今日就去咗河內越南料理 Ha Noi買外賣。越式海南雞飯都只係$68。海南雞冇指定部位，但肉質都夠嫩滑。油飯顏色都好靚。因為係外賣，所以極品牛三寶湯河粉嘅麵同湯係分開上，真係細心。牛骨湯非常香濃，入面仲浸住牛三寶。牛三寶即係生牛肉、牛𦟌同牛丸，生牛肉用熱湯浸熟，夠晒嫩滑。越式炸蝦餅大大件再一開四，可以開心share。越式豬頸肉好有炭燒嘅味道，切得薄薄口感更佳。龍眼冰入面有好多粒桂圓，清甜得嚟又解渴。青檸梳打有原罐梳打水，返嚟自己慢慢再斟，足足有兩杯。