更多
2020-12-29
2551 瀏覽
今次黎上環食既係呢區呢間西餐廳都算比較出名，之前嚟過兩次都係食lunch，性價比唔錯。但係今次就決定咗嚟再試吓佢嘅晚餐，睇吓質素如何。晚餐set Menu係按course既數目收費，如果只係揀Menu上面揀正常指定食品最貴就每位$608加一。但如果想轉多啲花款同配搭嘅話，就可能要加一百至幾百蚊不等。係限聚令既情況下，四個人食飯，餐廳就安排左一間細房俾我地分兩張枱坐，枱與枱之間有間膠板。今次就試左四個前菜，兩個main course同一個甜品。前菜: 忌簾汁煮青口呢味前菜比利士風味十足，青口本身就唔大隻，不過勝在夠新鮮同肥美。呢層當然就同餐廳煮法有好大關係。青口完全唔會過熟，口感食落去漲卜卜好Q彈，咬落去啲膏會爆出黎，生熟程度佮到好處。忌簾雖然呈水狀，但依然好rich，咸度都剛剛好。不過講好食，一定唔夠去比利士當地食好食😂不過呢個食下過過癮都可以既。前菜: 香煎帶子帶子夠大隻，上下都有煎到少少濃面，但入邊亦唔會過熟，調味適中，唔錯。隔離有三隻係蝸牛，同螺肉口感差唔多，不過就林少少。第一次食蝸牛，調味做得唔錯，幾好食。我覺得成道菜最特別就係佢紅色嗰塊脆脆。雖然我唔係好肯定係咩嚟，不過喺中間
晚餐set Menu係按course既數目收費，如果只係揀Menu上面揀正常指定食品最貴就每位$608加一。但如果想轉多啲花款同配搭嘅話，就可能要加一百至幾百蚊不等。
係限聚令既情況下，四個人食飯，餐廳就安排左一間細房俾我地分兩張枱坐，枱與枱之間有間膠板。
今次就試左四個前菜，兩個main course同一個甜品。
前菜: 忌簾汁煮青口
呢味前菜比利士風味十足，青口本身就唔大隻，不過勝在夠新鮮同肥美。呢層當然就同餐廳煮法有好大關係。青口完全唔會過熟，口感食落去漲卜卜好Q彈，咬落去啲膏會爆出黎，生熟程度佮到好處。忌簾雖然呈水狀，但依然好rich，咸度都剛剛好。不過講好食，一定唔夠去比利士當地食好食😂不過呢個食下過過癮都可以既。
忌廉汁煮青口
97 瀏覽
0 讚好
0 留言
前菜: 香煎帶子
帶子夠大隻，上下都有煎到少少濃面，但入邊亦唔會過熟，調味適中，唔錯。隔離有三隻係蝸牛，同螺肉口感差唔多，不過就林少少。第一次食蝸牛，調味做得唔錯，幾好食。我覺得成道菜最特別就係佢紅色嗰塊脆脆。雖然我唔係好肯定係咩嚟，不過喺中間加一層脆脆伴碟，令到成碟餸嘅口感提升左層次。
香煎帶子配法國蝸牛
78 瀏覽
0 讚好
0 留言
雪梨配香煎鵝肝:
呢個我鵝肝絕對值得試，我咁大個女都未食過咁大塊鵝肝。大概有半隻手掌咁大。外邊煎到脆皮，內裏啱啱好半熟，食完真係好滿足，兩個人分都絕對夠食。另外雪梨係焗左既，好唔好食就見仁見智。不過成碟菜嘅主角都係鵝肝，所以其他嘢食我就唔特別介紹啦。
香煎鴨肝配雪梨
62 瀏覽
0 讚好
0 留言
蟹肉忌廉竹筍:
相比起鵝肝我覺得呢個餸冇咁突出，始終係拆出嚟嘅蟹肉，做唔到啖啖肉效果。加上配既係比較濃味嘅忌廉汁，反而食唔到蟹肉本身嘅清甜。而且竹筍都唔算係話特別出色，成個餸整體口味偏鹹，所以如果揀嘅話都係建議食鵝肝🤪
蟹肉忌廉竹筍
52 瀏覽
0 讚好
0 留言
香煎魚塊:
呢個我唔係好記得係乜嘢魚，好似叫牙魚。不過層皮的確煎得好脆，魚肉唔會過熟。食落去味道有啲似比目魚，因為魚嘅脂肪含量比較高，分佈都比較平均。所以整體食落去非常香同和味。而且魚肉夠厚身，做主菜絕對夠食。
香煎牙魚
46 瀏覽
0 讚好
0 留言
碳燒龍蝦:
呢度菜可以選擇加錢升級做藍龍蝦。藍龍蝦會比較大隻，味道更加鮮甜。如果唔係就可以選用返普通嘅美國龍蝦。碳燒既煮法可以令到龍蝦收水，鮮味更加濃郁。不過如果比起英國嘅lobster&burger清蒸，我會更加懷念係英國嘅食法😆不過呢度龍蝦整體調味都唔錯，未好食到識飛，但係食下過過癮都唔錯。
美國炭燒龍蝦
48 瀏覽
0 讚好
0 留言
70% 黑朱古力心太軟配雪糕:
呢個係我食過比較有特色嘅心太軟，因為據說係用左某大酒店嘅甜品師傅嘅秘方。食落去好明顯可可粉嘅比例比較重，朱古力醬特別結身，比起普通心太軟冇咁甜。另外我揀咗朱古力雪糕，雪糕好食，佢係做到出邊有有一層薄冰，令到上菜嘅時候雪糕冇咁快溶。但係絕對唔會食到有冰渣咁嘅感覺，反而雪糕真係幾驚喜。
黑朱古力心太軟配朱古力雪糕
37 瀏覽
0 讚好
0 留言
總括而言我覺得呢間西餐廳質素水準保持得好穩定，食夜晚飯嘅好處就係可以試到更多菜式。但講抵食，午市比較性價比。如果要挑剔嘅話，我會覺得呢間餐廳冇offer意粉類嘅食物，如果鍾意餐餐都有啲澱粉質落肚嘅話，食完一定唔夠滿足。
張貼
