129
15
9
港鐵上環站 A2 出口 繼續閱讀
電話號碼
25446333
營業時間
今日營業
12:00 - 14:00
18:30 - 23:00
星期一至日
12:00 - 14:00
18:30 - 23:00
付款方式
Visa Master 現金
其他資料
酒精飲品
加一服務費
食評 (161)
等級4 2020-10-17
2677 瀏覽
短短認識這家餐廳數月,已經來過3次,因為對於餐廳的服務細心和食物質素都十分滿意,很想推介給不同朋友。首先要講的是店員服務態度非常貼心,在入座後會先倒暖水,然後親切地推介餐廳各款的招牌菜式,之前看過食評都知道這裡的豬鞍和意粉都很出色,是次到來有幸一嘗。值得一提,豬鞍是廚師推介的一款菜式,不是常註在餐牌,有幸遇到必定要試。餐廳的前菜同樣很有特色,蜜瓜火腿之前試過,水準不俗,很是清新。而是日精選炸金文筆芝士,外脆內軟,牛奶味濃郁帶少許鹹香,非常滋味,配以油醋沙律有減膩作用。但店員更推薦甘荀湯,因為餐廳挑選的食材是上等的,比較清甜而且不帶草青味,果然入口順滑,非常清甜,感覺非常清新,令人想一喝再喝。主菜點了一份羊架,3次來都有點這個菜式是因為這道菜質素穩定,羊味濃而不騷,燒得剛好,保持肉質軟滑。今次來主要來試意粉,龍蝦意粉有足足一隻開邊龍蝦,意粉炒得有咬口的,用蒜片紅椒加欖油炒,非常惹味,但我略嫌過油,如果再乾身一點會較好。龍蝦都有鮮味,廚師煮到剛剛熟,保持肉質嫩滑。雖然龍蝦意粉好吃,但不及豬鞍這般驚艷。首先聞到炭燒的香味,而切出來的肉質粉嫩,非常淋滑。吃落有豬仔骨的感覺,微焦又帶甜的味道,吃罷還有念念不忘的感覺。伴菜有千層忌廉薯片和雜菜,正如第一次來的時候所講,所有蔬菜都有調味或烤煮過,是非常誠意的薯菜。餐飲點了咖啡,很欣賞餐廳用cream代替牛奶,其選用的咖啡豆亦很適合我個人口味。由於又是慶生飯,所以一如以往都是點了芒果拿破侖和加畫碟。我訂座時已安排好,餐廳亦幫忙製造驚喜和悉心安排,窩心的服務真的令我想每次的生日飯在此慶祝。下次會再來發掘更多新的是日精選和試新甜品的。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-12-29
126 瀏覽
今次黎上環食既係呢區呢間西餐廳都算比較出名,之前嚟過兩次都係食lunch,性價比唔錯。但係今次就決定咗嚟再試吓佢嘅晚餐,睇吓質素如何。晚餐set Menu係按course既數目收費,如果只係揀Menu上面揀正常指定食品最貴就每位$608加一。但如果想轉多啲花款同配搭嘅話,就可能要加一百至幾百蚊不等。係限聚令既情況下,四個人食飯,餐廳就安排左一間細房俾我地分兩張枱坐,枱與枱之間有間膠板。今次就試左四個前菜,兩個main course同一個甜品。前菜: 忌簾汁煮青口呢味前菜比利士風味十足,青口本身就唔大隻,不過勝在夠新鮮同肥美。呢層當然就同餐廳煮法有好大關係。青口完全唔會過熟,口感食落去漲卜卜好Q彈,咬落去啲膏會爆出黎,生熟程度佮到好處。忌簾雖然呈水狀,但依然好rich,咸度都剛剛好。不過講好食,一定唔夠去比利士當地食好食😂不過呢個食下過過癮都可以既。前菜: 香煎帶子帶子夠大隻,上下都有煎到少少濃面,但入邊亦唔會過熟,調味適中,唔錯。隔離有三隻係蝸牛,同螺肉口感差唔多,不過就林少少。第一次食蝸牛,調味做得唔錯,幾好食。我覺得成道菜最特別就係佢紅色嗰塊脆脆。雖然我唔係好肯定係咩嚟,不過喺中間加一層脆脆伴碟,令到成碟餸嘅口感提升左層次。雪梨配香煎鵝肝:呢個我鵝肝絕對值得試,我咁大個女都未食過咁大塊鵝肝。大概有半隻手掌咁大。外邊煎到脆皮,內裏啱啱好半熟,食完真係好滿足,兩個人分都絕對夠食。另外雪梨係焗左既,好唔好食就見仁見智。不過成碟菜嘅主角都係鵝肝,所以其他嘢食我就唔特別介紹啦。蟹肉忌廉竹筍:相比起鵝肝我覺得呢個餸冇咁突出,始終係拆出嚟嘅蟹肉,做唔到啖啖肉效果。加上配既係比較濃味嘅忌廉汁,反而食唔到蟹肉本身嘅清甜。而且竹筍都唔算係話特別出色,成個餸整體口味偏鹹,所以如果揀嘅話都係建議食鵝肝🤪香煎魚塊:呢個我唔係好記得係乜嘢魚,好似叫牙魚。不過層皮的確煎得好脆,魚肉唔會過熟。食落去味道有啲似比目魚,因為魚嘅脂肪含量比較高,分佈都比較平均。所以整體食落去非常香同和味。而且魚肉夠厚身,做主菜絕對夠食。碳燒龍蝦:呢度菜可以選擇加錢升級做藍龍蝦。藍龍蝦會比較大隻,味道更加鮮甜。如果唔係就可以選用返普通嘅美國龍蝦。碳燒既煮法可以令到龍蝦收水,鮮味更加濃郁。不過如果比起英國嘅lobster&burger清蒸,我會更加懷念係英國嘅食法😆不過呢度龍蝦整體調味都唔錯,未好食到識飛,但係食下過過癮都唔錯。70% 黑朱古力心太軟配雪糕:呢個係我食過比較有特色嘅心太軟,因為據說係用左某大酒店嘅甜品師傅嘅秘方。食落去好明顯可可粉嘅比例比較重,朱古力醬特別結身,比起普通心太軟冇咁甜。另外我揀咗朱古力雪糕,雪糕好食,佢係做到出邊有有一層薄冰,令到上菜嘅時候雪糕冇咁快溶。但係絕對唔會食到有冰渣咁嘅感覺,反而雪糕真係幾驚喜。總括而言我覺得呢間西餐廳質素水準保持得好穩定,食夜晚飯嘅好處就係可以試到更多菜式。但講抵食,午市比較性價比。如果要挑剔嘅話,我會覺得呢間餐廳冇offer意粉類嘅食物,如果鍾意餐餐都有啲澱粉質落肚嘅話,食完一定唔夠滿足。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-12-18
241 瀏覽
疫情下6點後無堂食, 所以今日係我第1次食佢地既LUNCH.. 估唔到FULL BOOKING, 要2日後先有位。 揀左星期6去, 都好多人, 不過同隔離檯有足夠既距離 同埋中間有塊板隔開我地, 所以都好放心。 LUNCH選擇無DINNER咁多 其實我本身黎係想食鵝肝同埋田螺 但見佢餐牌上都無寫有.. 所以有D失望 喜歡每次到來都有驚喜,因為次次日精選都不同。 今日係職員的介紹下試左芝士焗蠔做前菜。 主菜食好大路既牛扒同埋龍蝦意粉 甜品當然要揀招牌Mille-feuille of Mango, 另外加錢都要食! 講返食物質數先, 前菜芝士焗蠔, 芝士好香, 蠔有些少腥, 但芝士味會COVER到 牛扒煎得好香, 牛味可以再重D, 薯條表現理想。 龍蝦意粉, 龍蝦偏細隻, 可能因為係LUNCH卦? 意粉個味道調得好好, 自己真係煮唔到咁好食~ Mille-feuille of Mango無得輸, 好脆好甜 1份2個人都夠食! 整體而言, 滿意今餐, 亦有可改善的地方 PS明白有熟客, 但佢地真係好嘈笑得好大聲 另外, 洗手間得1個, 有時真係要等好耐先有位 繼續閱讀
(以上食評乃用戶個人意見 , 並不代表OpenRice之觀點。)
等級3 2020-11-26
385 瀏覽
柏廷坊的幾間餐廳都很有水準,今次舊同學生日🎂,就試試這間法國菜🇫🇷午飯時間很熱鬧,根據疫情狀況,是危險的⚠️。我們雖然坐在房內,有兩張四人枱,鄰桌的男士們口沫橫飛,情緒高昂,難道我們要閉氣⁉️ 🤦🏻‍♀️🤷🏻‍♀️Fish of today was sea brass 🐟,chef’s recommendation was duck 🦆 confit。我們都試了,前菜可選salad 🥗or pumpkin 🎃 soup 🥣。無話可說,魚肉爽口,很怕那些林林的‼️ 整整一碟吃光光,配菜都清了~~~朋友的法式油封鴨有點像香酥鴨,有點乾身,濕潤些會更 perfect ~~~ 甜品有拿破崙,朋友說我第一次來,先試這個,下次再來就可試其他。So delicious 中間的芒果很厚很大塊,拿破崙餅脆卜卜~~~ 朋友試栗子🌰蛋糕,生日呀‼️ 加點裝飾,她說也不錯。另外還有New York cheesecake,晚餐有 Soufflé 服務員態度非常好👍🏻,我們枱的負責人很有 passion,但他說只是part time二百多元的午餐,香港人真是好富貴啊 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-01
1803 瀏覽
今日朋友請食lunch,黎左呢間法國餐廳試下,即使疫情下都要預早訂位,真令人期待🥰🥰店內裝修典雅,牆上油畫及紅酒,充滿歐陸風情,座位舒適。南瓜甘筍忌廉湯,好creamy 好滑,配上新鮮出爐面包,喜歡當中加入果仁,杏甫,提子,口感豐富,有6款主菜選擇,魚扒略為有點鞋而淡,肉眼扒內汁豐富,7成熟啱啱好,另外叫左個馳名的芒果拿破侖,芒果好甜,酥皮鬆脆。職員會細心介紹每道菜式,服務殷勤,讓你有個完全享受午餐的體驗。 繼續閱讀
(以上食評乃用戶個人意見 , 並不代表OpenRice之觀點。)