鮮入圍煮 (已搬遷) 新店位置

朋友提前兩個星期由openrice訂位，打來confirm位時都冇話限時2個鐘，去到攞位先講有限時，6點開始，8點交檯，7:30last order。8個人為了節省時間，叫了一個大花膠雞煲，好大煲，有一隻雞係裡面，店員會係湯滾之後幫你剪開。雞湯幾好飲，但偏鹹小小。花膠普通。最推薦芝心牛丸，好多芝士。皮蛋貢丸好少見，但裡面皮蛋加了好多姜，我接受唔到。炸響鈴就係一般貨色，唔似自家製。最誇張係皇帝菜，7點食完皇帝菜想encore，竟然話已經賣完！我覺得係要留貨比下一round多點。價錢就唔係好貴，但除了雞煲冇咩特別，仲有限時，應該唔會再來。