丸十あぶり牧場 (已結業)

今次小編去咗旺角新世紀搵食，因為朋友生日所以諗住食好啲，見到佢寫住半價即刻跑去睇， 如果冇半價優惠我諗窮困嘅小編超大時大節先去食，襯仲有半價優惠要推薦比你地去，記住要捉緊個優惠呀。----------😋極上一頭純種和牛拼盤(每款兩件) $580 (半價後$290)總共有九個部位： 牛三角、紐約客、牛板腱、牛舌、牛胸、牛展、牛腰脊肉、牛後腿肉、橫隔膜。 因為係和牛關係，全部牛都好juicy，脂肪比例平均，又夠淋身，牛三角仲有入口即溶嘅感覺。叫拼盤嘅好處就可以一次過食曬唔同部位嘅牛，不過每款得兩件份量就比較少，而家有新開張，限時優惠半價食和牛就幾抵食。😋慢煮和牛爆丼伴溫泉玉子 $148總共有6片和牛，因為慢煮所以和牛好淋好入味，再點佢地嘅秘製醬汁，一啖牛一啖飯正呀，可惜分量唔多，食完一碗真係想叫多碗食。😋和牛烏冬伴溫泉玉子 $98烏冬有口感， 今次和牛係炒唔係慢煮，所以比較韌，小編建議食慢煮和牛爆丼。----------宜家follow佢地嘅Facebook/Instagram，再post張相就可以有半價優惠。可以半價揀：極上一頭純種和牛拼盤/ 幼切和牛舌(原條)/ 鐵板和牛紐約客或和牛肉