235
19
9
港鐵太子站 B2 出口, 港鐵旺角站 B3 出口, 港鐵旺角東站 D 出口 繼續閱讀
電話號碼
36191768
開飯介紹
多款刁鑽品種和牛原隻直送到港。和牛拼盤可以一次過品嚐多個部位,亦可自行選擇想吃的部位,再由大廚即時切割同處理。 繼續閱讀
營業時間
今日營業
12:00 - 22:30
星期一至日
12:00 - 22:30
付款方式
Visa Master 支付寶 現金 銀聯 微信支付
座位數目
147
其他資料
Wi-Fi
自帶酒水 詳細介紹
泊車 詳細介紹
外賣服務
加一服務費
食評 (283)
等級4 2020-02-01
1994 瀏覽
上星期食左朗豪坊個間丸十壽司,覺得好好味今日同朋友行MOKO,見到同集團嘅另一間餐廳,諗都唔諗就入去試啦😋呢間餐廳可以食燒肉/和食,因為唔想太熱氣,就無揀到食燒肉但和食都有好多唔同種類揀😁🥢燒牛舌丼一黎到數一數有成十塊牛舌😋😋😋牛舌唔算太薄切,食落好有口感因為燒到岩岩好,所以爽口唔會韌👍🏻啲飯都有少少汁,唔會太乾同過咸🥢和牛漢堡唔似一般嘅漢堡包咁,呢個包烘到好脆好脆和牛漢堡大約8成熟,都keep到入面有肉汁🤤比較欣賞係漢堡包個sauce,令個包嘅味提升左唔少👍🏻🥢雞之饗宴串燒雞皮 - 好好食!燒到好脆!好重雞油味,中意食香口野嘅人要試下!✌🏻雞胸軟骨 - 都好正,軟骨唔會太難咬,更上痴住少少肉咁幾好食雞翼 - 睇個皮就知燒得唔錯,岩岩好熟好juicy🥢海鮮之箱串燒帆立貝 - 都算大粒,啲汁同佢好夾,一定要試活鰻 - 唔算好肥美,但肉質唔錯幾彈牙😄鯖魚 - 個皮好香脆,而且餐廳用左唔多骨嘅部位大蝦 - 蝦肉算爽口,調味適中,落左少少鹽更加帶出到啲蝦味☺️ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-12
268 瀏覽
個fd啱啱出完job返黎 相約於呢間舖頭食dinner。因為佢之前睇中呢間舖嘅燒肉 約我一齊來試下~.未入去之前 reception會問食燒肉還是丼飯 ,因為如果食燒肉會俾張爐台。我地揀咗燒肉~.🌸三文魚腩5切 HKD | 90我係一個超鍾意食三文魚腩嘅人 去親d鋪都必點咁滯。呢度嘅三文魚腩真心正 超厚切 新鮮 而且有5塊 價錢亦合理~ 抵食.🌸燒🔥- 和牛上頸肉 (5件) HKD | 128 燒肉汁味。放入爐內 易熟,顏色鮮豔 味道正~ 好味😋.🌸燒🔥- 和牛板腱 (5件) HKD | 108鹽巴🧂味。呢個部分比較厚 要燒耐少少~ 味道好香 牛味十足 .🌸海洋の盒 HKD | 148有大蝦🦐 帆立貝 生蠔🦪 鯖魚 和活鰻。呢個盒超抵食 每款有兩份~ 兩個人share啱啱好~ 帆立貝超大隻 😋燒活鰻好爽口 .🌸 抹茶雪糕配紅豆 白玉丸子🍡 HKD | 55兩個人食啱啱好 一個人食會覺得份量有d大。因為我食甜品都係試下個味 怕太甜。但呢款 紅豆有d甜 但配雪糕一齊食又啱啱好~ 唔會好甜 仲有白玉丸子好好味~.總言之 今個晚餐好滿足。下次會再光臨 繼續閱讀
(以上食評乃用戶個人意見 , 並不代表OpenRice之觀點。)
等級6 2019-12-09
4248 瀏覽
以為中午12點半左右在旺角新世紀廣場好難揾位食晏,原來低層好多餐廳都有位。冇指定目標情況下,揀了一間之前未幫襯過的「丸十あぶリ牧場」。睇餐廳名字,真的以為係一間來自日本的餐廳;坐低之後問餐廳經理,原來同日本完全冇關係,只係一間百分百香港人開設的餐廳。餐廳門口右手邊有一個凍櫃,陳列了大大塊不同部位的和牛;左手面的另一組凍櫃內就什麼食材都沒有,只有一塊木牌介紹餐廳王牌燒肉(和牛)拼盤推介一頭牛拼盤($580)。話明係一頭牛,當然包括牛隻不同部位,共有九個部位牛肉,而且全部係和牛。進入餐廳第一眼就見到一個燒肉吧,有點日式居酒屋酒場風味;平均每兩個座位共享一個電烤爐,最啱兩個人撐枱腳 ⋯⋯ 較為可惜燒肉吧後面只是一個普通開放式廚房,佈置比較凌亂;如果只是一個簡簡單單的切肉廚房,布置成壽司吧一樣的簡潔,就會很完美。燒肉吧對面佈置了一間臨時攤檔,推廣 XO 仔產品;為配合宣傳,部份烤肉餐枱枱面甚至貼上了臨時貼紙,改造為 XO 仔餐枱。一家大細或者朋友聚會就要坐在餐廳內的四人餐枱了。一張餐枱有兩個燒肉電爐、而且又夠大張,六個人坐也相當鬆動。原來除了燒肉之外,還有串燒、天婦羅、燒物、魚生飯及其他少量和食選擇,並非一間純日式燒肉餐廳。就算是燒肉,也有石燒及火燒(以電爐取替)兩種口味;石燒較健康、火燒就較香口,各適其適。配合餐廳宣傳,今期甚至推出了期間限定 XO 仔主題美食餐牌。食燒肉的話,即使午市餐牌也要百多元一位,唔算便宜,唔怪得客人唔算多。石燒不能隔走油份,所以最適合品嚐牛肉肉味,所以餐牌也選用美國黑安格斯牛為食材;當然也可以選擇和牛,但油脂就會殘留在火山石上,影響燒肉效果。選擇火燒的話,就全部都是和牛。不過就有兩種價錢:一款是和牛拼盤,另一款就按重量計算。雖然中文標明和牛,英文又寫 Wagyu Beef,但實際上是兩款不同級數牛肉;拼盤所採用的只是澳洲和牛,而較為貴價的套餐就採用日本宮崎牛。眾所周知,澳洲和牛除了肉味較濃,可以勝過日本和牛之外,其他方面包括油花含量、油香、肉質的鬆軟腍滑等,就輸給日本和牛了。嚴格來說,餐牌只簡單標注「和牛」,有取巧之嫌。午市定食有兩款前菜,不過,組合就有點奇怪:日式柚子醋沙律配韓式帶辣泡菜(豆芽)。兩款前菜都唔算好味。柚子醋沙律的蔬菜唔夠新鮮,水份唔夠多、咬落去唔夠清甜爽脆。韓式豆芽泡菜唔夠香辣,醃漬時間唔夠長,殘留了一點豆芽草腥味。揀了火燒,因為鍾意香口。和牛拼盤定食($128)共有三款牛肉,分別是牛腰脊、肩胛小排及上頸肉,完全沒有任何調味料醃制。雖然只是澳洲和牛(單點餐牌內稱呼為和洲牛,一個古靈精怪、餐廳自創、有點似混洧視聽的名稱),但只是午飯,就揀這個抵食一點的定食。見到侍應送上來的和牛拼盤,呆了一下;為什麼每片牛肉硬繃繃?雖然未至於硬如石頭,但很明顯剛剛從 0^C 以下的冰櫃拿出來,沒有經過正常雪櫃溫度的自然解凍程序,就算只從照片也可以看得出來;這種質素的日式燒肉不能接受。再問侍應,到底三款牛肉如何區分?第一個答唔知道。第二個竟然要先睇餐牌,才回答就係餐牌上所寫的三款;可能她也知道答非所問,遲疑一會後再補充,唔係好清楚哪款是哪款。心想:「咁都得?」。雖然這個燒肉定食並非餐廳供應的貴價宮崎牛,但餐廳應該提供足夠訓練給侍應,向客人解釋每款不同價位的燒肉,這種才是日式燒肉餐廳應有的待客之道。不過,有兩個意料之外的驚喜。第一,雖然只是中檔日式燒肉餐廳,竟然也提供了一小塊和牛脂肪作起爐用途。第二,除了基本的燒肉汁之外,竟然有一小瓶好似藥水樽、要用泵咀唧出來的新鮮檸檬汁。三款牛肉的肉色深淺、油花分布及細密度明顯唔同。中間的那兩片肉色最粉紅,肉質也最鬆軟,但肉味也較淡。左邊的兩片肉香最濃,但肉質較硬。右邊的兩片就介乎兩者之間,肉香及肉質皆恰到好處。但三款牛肉的油脂香氣皆一般,與日本產和牛有差距,怪不得這款和洲牛拼盤定食索價較低。只要幫襯火燒烤肉的客人,就可以半價優惠享用丸十壼漬牛肋條($148),咁抵食,冇理由唔叫一份。打開壺蓋,就是兩至三條去骨牛肋肉,睇落好吸引;但一用燒烤鉗夾起牛肋肉,竟然又發現和牛拼盤定食的同一個問題 ⋯⋯ 牛肋肉又是硬繃繃的!將牛肋肉放在烤爐上就更加明顯,正中位置竟然有一小截牛肋肉突起來,無法平鋪在烤爐上。不似和牛拼盤定食完全沒有任何醃制,丸十壼漬牛肋條就用了濃味醬料醃漬,有醬油、亦有蜜糖,要不停翻動牛肋肉避免燒至表面焦燶,但同時更加香氣四溢。燒至七成熟的牛肋肉有肉香、軟腍有咬口、味道濃郁中帶點甜,雖然油花稍為欠奉,但竟然比起和牛拼盤定食的三款牛肉更加好食。單點串燒烤雞翼($42 / 兩隻)賣相非常吸引,顏色金黃均勻,一送上來已經香氣撲鼻;差點以為是港式BBQ明火炭爐燒烤。再加上表面灑上黑椒碎,未食都已經覺得雞皮香脆、香口惹味!不過,真係冇機會品嚐,因為兩隻雞翼都被小女兒霸佔了。雖然只係港人開設的餐廳,但餐廳布置及氣氛同正宗日式燒肉店分別不大,本來有所期望;但結果卻有點差強人意。牛肉質素其實唔算差,但竟然全部都是硬繃繃、就像剛從凍櫃取出來而尚未完全解凍的牛肉,第一次食日式燒肉遇到這種完全不合格的情況,如此質素,如何吸引客人再次光顧? 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-06
3990 瀏覽
呢日得自己一個,兩小都有約,於是就約姑仔兩公婆飯聚,聯誼一吓,難得佢兩個唔嫌我做電燈膽就佢哋就揀咗呢間試吓極上牛柳三文治牛柳厚切,肉質粉嫩,加上惹味的蜜糖芥末醬汁,連同外脆內軟的麵包,味道一流雜錦天扶良天婦羅炸漿夠薄夠脆又唔油膩,蝦肉爽脆鮮甜,南瓜及蕃薯都軟糯香甜汁燒牛肉烏冬湯頭濃郁鮮甜,烏冬軟彈滑溜汁燒牛肉另上,牛肉加上洋蔥以燒汁煮過,香甜惹味,食時一口烏冬一口牛肉,滿滿滋味燒和牛丼(伴溫泉玉子)選用澳洲M4和牛肉味濃,油花均勻細緻,配以醬燒,汁香惹味;而此店的米飯是採用「當店精米」,每日兩次,將糙米打成白米,令到口感更加細軟,更能吃出米香鹽燒豚腩丼(伴溫泉玉子)豚腩油脂豐腴,以岩鹽燒過,增添香脆,口感爽彈,再撈埋滑溜的溫泉蛋,層次非常豐富日出富士丼賣相相當吸睛,外型神似,以米飯作山形,再將慢烤半熟的西冷包裹著,以半熟流心的溫泉玉子作頂,再拌以白芝士醬及黃芥末醬營造雲海效果,真是視覺與味覺俱佳的一道菜式蒲燒鰻魚丼鰻魚肉厚肥美,醬汁香甜惹味,入口甘香 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-27
280 瀏覽
好多鋪頭都嘗試過做主題餐廳,以特定嘅卡通人物做招徠,但有時偏偏喧賓奪主,食物嘅賣相就好靚,而且好有噱頭,打卡一流,但偏偏忽略咗一個重點——食物嘅本質同味道先係餐廳最重要嘅元素。丸十係唯一成功令我改觀嘅主題餐廳,以我兒時好流行嘅XO加上近年人氣不減嘅蛋黃哥做主題,除咗可以打卡之外,食物質素亦相當高👍🏻一入餐廳已經見到大大個攤位俾客人打卡👍🏻連餐枱都用係XO同蛋黃哥,粉絲一定好開心😃本身唔係卡通迷嘅我,反而最欣賞佢嘅menu,連封面都係皮製,非常有質感👍🏻燒和牛肉丼伴有溫泉蛋一隻,份量都算多,米飯唔係一般嘅白米,顏色帶淺黃,口感煙韌有咬口👍🏻溫泉蛋雖然有些許失手,賣相唔太靚,但入口順滑蛋味鮮濃,唔錯😋和牛燒到六七成熟切片上碟,肉味濃郁,雖然未至於入口即化,但亦算質感鬆軟冇乜筋,加上少量醬油同白芝麻味道更香👍🏻明太子玉子燒超有驚喜😍口感軟熟,蛋味香濃,加上味道鮮濃而且帶有鹹香嘅明太子作點綴,令無論賣相定味道都生色不少❤️先生嗌嘅特上海鮮丼亦係相當有驚喜!用上牡丹蝦、海膽、三文魚子、呑拿魚、帆立貝、三文魚同油甘魚,無謂份量同新鮮程度都絕不欺場!件件都肥美又新鮮🤩海膽顏色鮮艷,味道鮮甜濃郁,質感幼滑,入口即溶🥰完全係幸福嘅味道!呑拿魚都唔輸蝕!超厚切!筋少而脂肪多,口感軟滑,入口即化❤️最後當然要嗌返個甜品作結,呢個丸十抹茶芭菲雖然冇中村藤吉嘅材料咁豐富,但味道絕對唔輸蝕,面頭除咗有新鮮士多啤梨同灑咗抹茶粉嘅鮮忌簾之外,仲有一件朱古力macaron,朱古力味香濃又唔會太甜,唔錯👍🏻至於中間就係梅花間竹擺放嘅抹茶雪糕、鮮忌簾同紅豆蓉,抹茶味香濃又唔會苦澀,奶味亦頗重,加上唔會過甜嘅紅豆蓉,連先生亦同我爭食😛好少主題餐廳可以維持到良好嘅食物質素,加上價錢合理,即使唔係XO同蛋黃哥嘅粉絲,都好建議嚟試下❤️ 繼續閱讀
(以上食評乃用戶個人意見 , 並不代表OpenRice之觀點。)