沾仔記 (威靈頓街)

營業中

休息中

今時今日好多食肆拎米芝蓮，但其實一般人都唔太關心，只係在意收費、味道，三十零蚊碗麵，連鎖店、快餐店都要啦，人生苦短，冇咁多時間研究人地值唔值得獎，咁大家對每樣食物，心目中都有個價，我淨係睇值唔值個價啫。平日早上十點鐘左右，全店爆滿，上班嘅都已經上班，所以在座有好多係外國人、遊客。搭枱係常識，唔會太介意。餐牌供應雲吞、鯪魚球、牛肉三款，可湯可撈，價錢三十零蚊，叫到最貴嘅三寶，都係$48，喺中環區差不多啦。假日要我咁有恆心排隊食，又唔會，好在當日係平日雲吞麵 $30上枱時雲吞墊底，最後先加麵底、蔥花，麵冇咁易浸腍，保持爽彈。見部分評語話有鹼水味，個人就完全唔覺，始終係個人口味，或者我味蕾唔夠敏感啦。雲吞三大粒，皮薄餡靚，蝦肉明顯，新鮮爽口肉嘅比例唔多。