天吉屋 (已結業)

6月新開見周圍都有宣傳，已經想試，但次次經過都大排長龍，前幾日平日見啱啱過左中段休息時間，仲未有人排隊，明明未係好肚餓，都要入去試一試老公叫左呢個香港限定‘軟殻蟹丼’都唔平，要$158一送上黎畫面係幾震撼，但係軟殻蟹唔夠脆，有d淋，反而茄子同溫泉蛋最好食。另外我叫左‘天吉雙品’$108，又係有d失望，首先講個冷烏冬，麵質好好，但個冷麵汁原全無味，完全破壞晒整個冷烏冬至於個飯，虎蝦都唔錯但都係唔夠脆，偏淋。我都係覺得最好食係茄子同溫泉蛋。整個飯食落會覺得比較油膩。整體黎講一般，無想像中咁好食。