256
34
18
港鐵旺角站 C3 出口, 港鐵旺角站 E1 出口, 港鐵旺角東站 B 出口 繼續閱讀
電話號碼
31050986
開飯介紹
來自東京的丼飯店,其「天吉丼」連續六度蟬聯日本天丼金賞獎,飯上有黑虎蝦、魷魚、海紅鯛及各種蔬菜等,相當豐富。餐廳更設有香港限定的軟殼蟹丼。 繼續閱讀
附加資料
每位客人最低消費100元
營業時間
今日營業
12:30 - 22:00
星期一至日
12:30 - 22:00
付款方式
Visa Master AlipayHK 支付寶 現金 銀聯 Apple Pay Google Pay Samsung Pay
座位數目
47
其他資料
網上訂座
Wi-Fi
酒精飲品
自帶酒水
賞訂座積分
外賣服務 詳細介紹
加一服務費
當面支付
食評 (325)
等級4 2020-11-19
394 瀏覽
好耐都冇試過咁早收工可以出去食晚飯, 同家姐一收工就約左係旺角等, 已經超肚餓, 去左依間專食日式天婦羅丼飯店食晚飯, 雖然都等左一陣位, 但都唔係太耐, 入到去格局係全日式裝修, 我地亦安排坐係卡位座, 座位好闊落主菜未黎之前, 食個生椰菜絲沙律頂定肚仔先, 清爽口感, 加埋柚子醋汁帶酸更加開胃我同家姐叫左一人一個丼飯餐, 先送上天吉丼天吉丼係連續5年係日本天丼金賞獎, 睇相已經覺得好有份量, 黎到見到實物完全係嘩一聲, 入面有黑虎蝦、魷魚、海紅鯛、茄子、南瓜、四季豆、炸紫菜同溫泉蛋, 每樣材料都係炸得好香脆, 薄粉又唔會過份油膩, 黑虎蝦食落啖啖肉又大隻, 蝦味好突出魷魚軟熟又唔會太刃, 茄子同南瓜係切得好大條, 味道香甜, 個人最喜歡係溫泉蛋, 一切開仲有蛋汁流出黎, 撈飯食一流飯雖然唔算好多, 但淨係食配料都已經飽左九成, 好足料!另一個就叫左天幕御膳, 同樣有黑虎蝦、魷魚、茄子、南瓜、四季豆、炸紫菜之外, 仲有海紅鯛配紫蘇葉、軟殼蟹同炸洋蔥依個餐附有三種食法既教法, 估唔到天茶泡飯食法幾有驚喜食完一件炸物再食一啖泡飯, 感覺好舒服又解膩, 不得不讚海紅鯛配紫蘇葉, 依個配搭咁炸個味道好清新, 魚味都唔會比紫蘇葉蓋過, 我個人係幾喜歡, 同樣都係食哂配料已經好飽了最後飲埋佢地既牛蒡茶, 好香濃, 解膩最好不過, 好滿足既一餐!走個時先見到原來全日外賣自取仲有7折優惠,都幾抵食 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-12
304 瀏覽
好友是個炸物迷, 每次一提起去吃天婦羅就顯得眉飛色舞。見近排疫情穩定,加上大家已很久沒見,所以這天就特意邀約他來朗豪坊「天吉屋」吃頓晚飯。餐廳於 2013 年在東京開業,一向以炸天婦羅丼飯聞名,曾於「日本全國丼聯盟」舉辦的全國丼飯大賽中,五度蟬聯天丼部門金獎,足見其實力非凡。店內裝潢以木系簡約風為主,環境乾淨企理,用餐區設有多張卡座,座位寬敞闊落,非常舒服,加上檯面夠大,用來放置餐點,綽綽有餘。先睇餐牌,天丼選擇不多,只有 5 款,定價由 $108-158 不等。朋友睇中左天幕御膳 ($148),而我就揀左天吉丼 ($118)。所有餐點均附送椰菜沙律、蘿蔔漬、牛蒡漬及牛蒡茶。點完餐後,店員隨即送上一大碗可以無限添加嘅椰菜絲及一瓶柚子胡椒沙律汁。椰菜絲口感很不錯,爽脆清新;柚子汁酸香惹味,撈埋一齊食,非常醒胃。桌上的蘿蔔漬和牛蒡漬,食味亦不俗,前者清爽可口、而後者食落亦帶點淡淡甘甜。也喝了檯上壺牛蒡茶,茶色紅潤,味道甘醇,很不錯。我點的天吉丼接著送上,用料好豐富,飯面足足有四隻越南黑虎蝦,另外還有海紅鯛、茄子、四季豆、魷魚、溫泉蛋,炸紫菜和南瓜。黑虎蝦彈牙味鮮;海紅鯛炸完肉質仍然很結實,魚味濃郁。其他炸物,水準亦唔錯,外表金黃酥脆,雖然放了一會才吃,仍能保持清爽不油膩,唔怪得可以連續五年榮獲金賞獎。至於友人點的天幕御膳,分量亦絕不欺場,材料有黑虎蝦、軟殼蟹、海紅鯛配紫蘇葉、什錦炸物、茄子、四季豆、南瓜、炸紫菜,而且白飯更可以自由添加,啱曬大胃王!友人話要特別推介黑虎蝦和軟殼蟹,前者粉漿輕薄,蝦肉彈牙;而軟殼蟹食落亦鮮甜肉厚,香脆有口感,配已調味的白蘿蔔蓉吃,分外滋味。木桶內的米飯亦很有水準,飯粒飽滿晶瑩,聽講係採用了北海道嘅七星米炮製,難怪吃起來米香十足。另外呢個天幕御膳備有三種唔同嘅食法,分別是直接蘸蘿蔔泥吃、置於米飯上及淋上天丼醬汁品嘗,或澆下高湯至飯中變成泡飯,再加上芥末或紫菜調味,三種食法,各具特色,味道亦截然不同。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-09
359 瀏覽
樓高多層嘅朗豪坊無論日與夜人流都唔少, 各式餐廳集中喺最頂嗰幾層,今天又來到《天吉屋》 因為太掛住佢嘅『天吉丼』。還好早來一點才有位~先放下一瓶牛蒡茶, 茶味牛蒡味平衡, 呷一口甘香清潤~點餐後會送上 椰菜絲沙律, 淋上特製柚子醋汁, 非常清新醒胃餐前小食。套餐選擇貴精不貴多, 有幾款選擇視乎個人喜好的配搭。先喝每個套餐都有嘅味噌湯, 夠曬熱,味道唔錯唔會太鹹且有肉味。好想吃虎蝦, 『天吉丼』是最佳選擇。 用了秘製天婦羅麵粉, 油溫控制得好好,而且係即叫即做趁熱食好重要, 一口咬落夠鬆脆香口, 絕無油膩感 , 黑虎蝦好新鮮, 炸後保持鮮嫩甜味~~ 雙蝦炸法增加口感, 等於四隻蝦了,吃得夠爽! 其他材料還有魷魚,茄子,海紅鯛, 四季豆,南瓜 , 炸紫菜,溫泉蛋。襯熱可以先篤穿溫泉蛋,蛋汁融入米飯 ,加入少少天丼汁~~ 真係好吃到冇朋友!!海紅鯛也是鮮味非常! 魚肉嫩滑。 魷魚就好像魷魚糕,較腍身又工整, 唔似原隻魷魚仲有啲似墨魚肉。茄子也做得好吃,大大件又唔會索滿油。吃炸物同時也不能少嘅漬物, 蘿蔔漬 ,牛蒡漬。牛蒡好爽脆, 蘿蔔酸酸地解膩 一流!朋友選了『天幕御膳』, 有三食法更加滿足。材料依然有虎蝦。不過留意去到第三食, 需要店員準備鰹魚湯, 因為唔會一開始就放低,因鰹魚湯要趁熱~鰹魚湯泡飯再加上天婦羅是另一種吃法, 熱湯充滿煙燻鰹魚嘅味道。天婦羅軟殼蟹 ,豆角也是脆口美味!選用嘅係日本七星米, 如需要追加也是免費( 只限天幕御膳套餐)。每次來吃得超滿足,冇失望水準依然keep 到! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-05
620 瀏覽
行完呢個場後又係時候搵地方開餐,係十一樓發現呢間連續六年榮獲日本丼聯盟天丼金賞獎嘅天丼專門店,實力應該有返咁上下先做到,價錢係親民價,仲諗?!  見仲有位就入去啦!食店提供幾款天丼,有選擇困難症嘅朋友表示無"病發"日本料理中常見牛蒡,反映日本人愛吃牛蒡的喜好,杯茶係牛蒡茶,陣陣牛蒡香味,幾特別,有助降低心血管疾病風險、降膽固醇,咁食炸物都唔驚啦!  而枱上嘅醃蘿蔔,牛蒡漬,椰菜絲沙律 (侍應送上)都係任食,均衡返蔬菜嘅比例!呢個天幕御膳 ($148)認真夠睇頭,放滿成個餐盤,白飯放於木桶內,保持熱度(無限任添),仲有麵豉湯天婦羅包括黑虎蝦,海紅鯛配紫蘇葉,軟殼蟹,洋蔥魷魚,茄子,南瓜,炸紫菜及四季豆,大堆頭製作由於即叫即炸,當然要即食啦,呢個天幕御膳有3食法,圖文並茂,跟住食就無死先將蘿蔔泥與天婦羅醬汁撈均,然後再將天婦羅炸蝦放進,再一啖放入口........................蝦肉相當彈牙,個漿絶對唔厚,唔會食到一口粉同油,一啖食到兩隻蝦,夠口感之餘仲好味道呀!!!跟住將紅鯛魚放入白飯上,再淋上天丼醬汁(味道甜甜地,有點似食開嘅鰻魚燒汁但無咁厚身同甜),魚肉夠厚身,加上包住紫蘇葉,多一點香味; 醬汁滲進飯粒上,就咁單食都可以,日本米就是這麼好食!最後就係問侍應拎鰹魚湯 (主廚秘製高湯),加入芥末及紫菜條,放入炸茄子,高湯索進茄子,又係另一種食法,濕濕地令人更想食埋最後呢啖米飯!食晒成個御膳相當飽肚又滿足,再飲多杯牛蒡茶,掂晒!而呢個軟殼蟹丼 ($158)大有來頭,係香港限定,第二度地方食唔到架,附送麵豉湯放於日本米飯上有主角軟殼蟹,什錦炸物 (皇帝菜和櫻花蝦),體積成塊背板咁 (哈..哈..),同埋茄子,南瓜及溫泉蛋當然亦要趁熱食,輕薄天婦羅炸漿包住軟殼蟹,點左醬汁食到香脆蟹殼再黎蟹肉,係好味嘅隻溫泉蛋就是要用黎撈飯食,香滑蛋汁配白飯,仲邊有得SAY NO?!總括黎講百幾蚊個天丼性價比相當高,用餐時間60分鐘,埋單出門口發現等位人龍出現,原來不無道理! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-20
891 瀏覽
本身其實唔係好喜歡食天婦羅,總覺得好油好滯,一定食幾舊就食唔落,一個天婦羅飯咁大一定食唔到,所以講真就算去日本都冇食過天婦羅飯。但最近呢間天吉屋就好出名,加上之前限聚令有特價,都幾抵。以往所知天婦羅飯全部百幾二百,不過呢度就唔算貴,all star丼應有盡有都只係118,咁就試下啦。有前菜任食、沙律第一次試,直接叫個all star丼,只係$108,天婦羅丼來說都非常之抵,最緊要係都有埋我最想食的軟殼蟹,又可以試晒咁多款野食,第一次試最好就叫all star丼。首先講,全部炸粉衣都非常薄,亦都好脆,新鮮炸出黎非常熱又脆,炸衣薄,唔滯亦唔溜,食得出起碼D油都係新鮮炸。黑虎蝦肉非常彈牙,新鮮,都大隻海紅鯛,估唔到炸成天婦羅都好好食,仍然食得出魚既鮮味,不過個人覺得塊紫蘇葉唔係好夾姐,就算拎開左,魚肉都係有紫蘇葉味,冇左會好食D軟殼蟹,有膏,非常鮮甜,亦很juicy,香脆,最好食!魷魚,真係估唔到一塊魷魚都可以咁樣炸成天婦羅,都唔錯,魷魚仍然很juicy,亦都彈牙雞肉就正常啦,反而冇乜特別南瓜非常香甜炸溫泉蛋有驚喜,估唔到溫泉蛋都可以炸做天婦羅,而且隻蛋仍然維持係流心的,但外面又脆脆的,好好食茄子、四季豆、洋蔥,我本身唔太喜歡食洋蔥,但佢炸得OK,不過洋蔥有D油,有少少滯。我本身係完全唔喜歡食茄子,抱著試一次既心情去食,最後竟然食晒全部茄子…另外一個叫左天吉雙品,有埋凍烏冬可以試,烏冬都好好食,個汁都好味。總結食得好飽呀,但又唔會話好滯覺得成肚都係油,食物好多都唔錯,會再食同推介比朋友。 繼續閱讀
(以上食評乃用戶個人意見 , 並不代表OpenRice之觀點。)