170
24
14
港鐵旺角站 C3 出口, 港鐵旺角站 E1 出口, 港鐵旺角東站 B 出口 繼續閱讀
電話號碼
31050986
開飯介紹
來自東京的丼飯店,其「天吉丼」連續五度蟬聯日本天丼金賞獎,飯上有黑虎蝦、魷魚、海紅鯛及各種蔬菜等,相當豐富。餐廳更設有香港限定的軟殼蟹丼。 繼續閱讀
附加資料
每位客人最低消費100元
營業時間
今日營業
12:30 - 22:00
星期一至四
12:30 - 22:00
星期五至六
12:30 - 22:30
星期日
12:30 - 22:00
付款方式
Visa Master AlipayHK 支付寶 現金 銀聯 Apple Pay Google Pay Samsung Pay
座位數目
47
其他資料
網上訂座
Wi-Fi
酒精飲品
自帶酒水
賞訂座積分
外賣服務
加一服務費
當面支付
有關獎賞計劃
食評 (220)
等級4 2020-03-12
223 瀏覽
這家是小妹期待已久的的天丼 小妹一直對天丼的印象麻麻因為之前吃過的都比較失望感覺都是比較乾 味道比較單一但小妹被榮獲連續六年日本丼聯盟天丼金賞獎這頭銜所吸引一定要試試佢!小妹與男友掙扎了一陣子一入店內坐底店員立刻奉上沙律菜和牛蒡茶沙律菜是我最愛的 加上柚子沙律汁吃非常清爽 牛蒡茶味道非常養生而且很暖胃我們最後分別點了All Star丼$108男友的天婦羅丼份量之多 差不多滿瀉出黎包括有黑虎蝦、海紅鯛配紫蘇葉、軟殼蟹、魷魚、什錦炸物、雞肉、茄子、南瓜、四季豆、溫泉蛋天幕御膳$148天婦羅有黑虎蝦、軟殼蟹、海紅鯛配紫蘇葉、什錦炸物、茄子、四季豆、南瓜、炸紫菜。此 set 仲可無限添飯天幕御膳有3種不同食法的店家都很細心提供了說明書1/將天婦羅沾上有蘿蔔泥的醬汁吃2/將天婦羅放上米飯上 淋上天丼醬吃3/將什錦炸物放上米飯上加上鰹魚湯 加上紫菜吃不同食法有不同的風味 小妹非常欣賞店家提供的沙律菜和牛蒡茶可以成功去除食天婦羅所造成的油膩感這家的天丼可以榮獲金獎可以說是有它的道理整個package很完善 所有提供的配菜 茶 漬物都是經過設計過的可惜的是可能人手不夠天婦羅的熱度不夠 不夠脆身有點美中不足 繼續閱讀
(以上食評乃用戶個人意見 , 並不代表OpenRice之觀點。)
每次係朗豪坊行街嘅時候, 總會見到11樓好多人排緊隊, 準備食日本過江龍「天吉屋」, 「天吉屋」係連續五年榮獲日本丼聯盟天丼金賞獎, 唔怪得咁受歡迎👏🏻啦! 難怪開業左都有一段時間, 但至今依然都見到好多人排隊, 不過咁啱我路過嘅時候, 門外淨返一兩個人等緊位, 梗係即刻衝入去啦!😂😂 好快就安排到位置啦!👍🏻 裝潢以木系簡約風為主, 設有多個卡座,坐得都算舒適, (不過,如果兩個人兩個餐上晒枱, 之後就會覺得迫,因為唔夠位擺, 睇嚟餐桌都地大少少好。)🙊 「天吉屋」主要供應天婦羅丼飯, 所有餐點均附白飯、牛蒡漬、麵豉湯等。 所以點左嘢食之後, 店員就會捧一大盤椰菜沙律任你食, 加入日本秘製柚子胡椒沙律汁一齊食,酸甜胃胃! 去除天婦羅🍤嘅油膩感就啱晒啦! 如果第一次黎食, 又想試晒所有天婦羅, 同埋香港🇭🇰限定嘅軟殼蟹, 一定要試吓有埋三種食法嘅天幕御膳($148)😏 🌟推薦❗️ 餐廳有三種建議食法, 天婦羅食法:直接品嘗傳統天婦羅的鮮味 天丼食法:先將天婦羅放在米飯上,再均勻地淋上秘製天丼醬汁品嘗 天茶漬飯食法:將天婦羅放在米飯上,再澆下秒製高湯, 可自由添加芥末或紫菜調味 天婦羅有黑虎蝦、海紅鯛配紫蘇葉、軟殼蟹、什錦炸物(洋蔥和魷魚)、茄子、南瓜、炸紫菜和四季豆,好豐富呀!😍 天婦羅嘅炸皮香脆可口,厚薄適中,唔會太厚或太粉, 黑虎蝦🍤爽彈,軟殼蟹鮮味多汁, 其他蔬菜又夠新鮮爽脆, 三種食法都覺得各有特色,值得一試!😏 值得留意嘅係呢個定食係唯一可無限添飯,啱晒大胃王!😎 不過就冇得兩個人就咁share一個定食, 因為每人都要最低消費$100, 所以兩個人share點都要叫多樣野食。🙊 唔想淨食天婦羅咁dry,就可以試下天吉雙品($108)🌟推薦❗️ 有小天丼和烏冬, 烏冬可以揀讚崎烏冬(溫食)或稻庭烏冬(冷食), 細丼飯內有什錦炸物(洋蔥和櫻花蝦)、黑虎蝦、茄子、四季豆和溫泉蛋, 雖然話就話「小」天丼, 但其實份量十足! 當中最欣賞溫泉蛋,一咬口便流晒蛋汁,蛋香十足!送飯一流!👍🏻 冷食嘅稻庭烏冬,口感爽彈, 配上柚子皮、紫菜和芝麻,好refreshing。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-19
976 瀏覽
其實一早想會一會呢間日本天婦羅,可惜經過親都大排長龍。星期六大概2:00見到條龍都係8個人左右,而且啱啱食晏時間都過咗,等咗3個字,就安排入座Bar枱位置。位置都尚算舒適,見到卡位反而需要搭枱。餐牌選擇唔太多,而且組合上都差唔多,所以當日就點咗一個天幕御膳同天吉雙品(即係炸天婦羅丼拼個烏冬)天幕御膳有一個牌介紹3種食法,天丼食法、加醬汁、沾蘿蔔蓉,仲有加鰹魚湯食法。不過個餐牌中文介紹冇提你要問服務員攞鰹魚湯,反而英文嗰邊就有提如果需要就向服務員攞🤔。事實上加鰹魚湯食法真係超讚,湯頭味道清幽,加落飯度配一口炸物,已經足以令你食晒成碗飯。內容方面有蝦4隻、紫蘇葉包鯛魚、軟殼蟹、炸紫菜、四季豆、什錦炸物同炸天婦羅走唔甩嘅茄子同南瓜,仲係白飯任添。驚喜1: 估唔到炸四季豆係好好食,食落豆甜香脆,完全冇啲豆腥味。驚喜2: 炸軟殼蟹大件多肉,食落面脆內有啖啖juicy蟹肉。驚喜3: 紫蘇葉包鯛魚,外脆就唔洗講啦,魚肉嫩滑味濃,一啖咬落去紫蘇味滲出,而唔會搶咗魚嘅味道,真係絕配。餐牌上提到什錦炸物有洋蔥同魷魚,但係唔多食得出魷魚嘅存在。炸紫菜、茄子等水準都唔錯,冇得挑剔。天吉雙品個烏冬可以選擇要溫食定冷食,我就揀咗個冷食,烏冬面有啲柚子皮同好少量嘅紫菜絲,柚子皮就發揮到清香嘅作用,配上冷烏冬醬汁,真係食到唔停口。內容有炸溫泉蛋、炸蝦2隻、都係茄子、四季豆同什錦炸物。除咗炸溫泉蛋,其他嘢基本上天幕御膳都有。呢個亦都係驚喜,我二話不說就用嚟撈落個丼飯,蛋味超香濃滑,食落有啲炸皮粒粒,少少脆真係多多飯都食得落。呢度嘅飯講到明係用日本產七星米,飯粒比較短,口感煙靭,飯味香甜。仲有椰茶絲任食,最重要係配埋佢哋嘅柚子黑椒沙律醬汁,開胃醒神。枱面亦有漬物提供,牛蒡同白蘿蔔。牛蒡味濃,纖維十足,咬感一流。白蘿蔔酸甜適中,開胃嘅好幫手。店內供應牛蒡茶,牛蒡味香濃,入口順滑。炸物雖然食落冇乜油膩感,不過始終都係炸物,飲番啲牛蒡茶減低食泄感。服務方面都唔錯,周不時見你啲椰菜絲食得七七八八就會走埋嚟問需唔需要加菜。我一定會再嚟幫襯! 繼續閱讀
(以上食評乃用戶個人意見 , 並不代表OpenRice之觀點。)
Happy New Year 2020!為咗慶祝下新年來臨,我同媽媽一齊去咗試新餐廳!今年係日本過嚟香港開店嘅天婦羅店都有好多間,來自東京的天吉屋連續五度蟬聯日本全國丼聯盟全國丼評比大賽之天丼部門金賞獎,好期待睇吓佢嘅特別之處!店裏面嘅裝修比較簡潔,我哋比安排左坐卡位,員工都非常有禮貌!點餐之後,職員送上牛蒡茶及椰菜絲沙律!牛蒡茶嘅味好濃!沙津菜配柚子汁是非常好的開胃菜,食天婦羅時吃,亦可以幫助去除油膩感呢!仲可以免費任添吃!店內亦提供兩款有漬物:牛蒡及白蘿蔔絲!我自己就非常鍾意牛蒡,佢係原條爽口,好有咬感!媽媽就鍾意白蘿蔔絲,酸甜開胃!我哋揀咗兩款 share!軟殼蟹丼 $158當然要試吓香港限定的軟殼蟹丼,裏面包含皇帝菜、櫻花蝦、軟殼蟹、溫泉蛋、南瓜、茄子同飯。最驚喜嘅係佢哋用咗越南軟殼蟹,比較大隻同埋多肉,蟹肉鮮甜美味!最怕係平時出去食嘅軟殼蟹,根本完全冇肉食!所以我都會推介呢一個丼,真材實料!皇帝菜加上櫻花蝦炸餅,呢個配搭比較特別,喜歡食蔬菜嘅媽媽都好鍾意!配埋流心嘅溫泉蛋,撈埋用日本米煮嘅飯內吃,非常好嘅配搭!天幕御膳 $148此 Set 有三種食法:1) 把炸物蘸上傳統蘿蔔泥豉油醬汁吃;2) 把炸物蓋上米飯,再澆上特製天婦羅醬汁;3) 灑上紫菜和Wasabi,再倒上鰹魚茶湯製成茶泡飯。此 set 仲可無限添飯 - 選用了優質嘅北海道七星米!天婦羅有黑虎蝦、軟殼蟹、海紅鯛配紫蘇葉、什錦炸物(洋蔥和魷魚)、茄子、四季豆、南瓜、炸紫菜。此 set 適合晒多心嘅我,可以試到好多種不同嘅天婦羅🍤!天吉屋嘅賣點就係其獨特油粉比例而令炸物變得口感爽脆而不膩!佢係即叫即炸,所以趁佢熱嘅時候食,確實係感到脆口而唔算膩!黑虎蝦好大隻,仲有兩大隻!皮脆而肉質鮮甜。紫蘇葉包住紅綢魚肉亦有驚喜,硬身嘅紫蘇葉同埋柔軟嘅魚肉,加埋一齊亦好夾!炸紫菜都係我嘅至愛,炸到乾身又超脆薄!佢嘅丼飯都幾大份,我哋都食唔晒佢比嘅飯呢!相信就算係男仔都一定會夠食!大部份食材都係嚟自日本,質素有保證。價錢都係百幾蚊一個set,性價比都很好! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-02
758 瀏覽
日本達人朋友今天帶咗我去朗豪坊11樓嘅《天吉屋》 品嚐人氣過江龍天婦羅。時間尚早也差不多滿座, 看來也有不少人慕名而來。一坐低已經送上一壺牛蒡茶, 枱面還有清物: 牛蒡。 好吃哦! 硬得嚟爽脆又入味。還有椰菜絲沙律~ 配秘製 柚子胡椒沙律汁, 少少辣又夠酸, 白蘿蔔漬夠爽脆! 前菜已經很豐富開胃, 而且係無限添加, 即時加分!😋好吃正宗嘅天婦羅唔會覺得油膩熱氣。一於試佢嘅[天幕御膳] 仲可以試勻三種食法!餐牌都介紹了哪種食材配哪種食法, 根據個人喜好其實都冇一定跟足。御膳非常豐富, 有炸軟殼蟹,蝦, 洋蔥魷魚飯, 紅鯛魚,四季豆。。一啖咬落,天婦羅外層鬆化, 完全唔覺得油膩, 鹹鹹地嘅脆漿包住原汁原味嘅食材, 食材嘅水分同味道絕冇流失, 這為之專業和用心嘅製作, 極高造詣!!其中一種食法係天茶泡飯, 亦即是把食材放進 所附設嘅鯛魚湯~ 又是另一種美味, 鯛魚湯鮮味無窮! 其中推介係洋蔥魷魚飯放汤, 味道唔錯~佢嘅天丼汁唔會過鹹, 亦可以帶出天婦羅 食材本身嘅鮮味。👍❤️鍾意食軟殼蟹嘅朋友就点了《軟殼蟹天婦羅》分量非常大, 成隻軟殼蟹嘅份量啖啖滿足, 夠鮮味。 還有什錦天婦羅櫻花蝦, 皇帝菜,茄子,南瓜,溫泉蛋~ 皇帝菜感覺很新奇, 外形似一個蘿蔔絲酥餅, 口感豐富惹味, 相當特別。😍成個丼嘅份量叫人非常滿足,❤️👍 來自北海道的七星米更係香甜軟熟~😋 [天幕御膳套餐]仲可以自由添加白米飯! 攞曬獎嘅 過江龍食店仲有咁高質嘅食物, 都係百多元一個套餐, 抵食又回味! 繼續閱讀
(以上食評乃用戶個人意見 , 並不代表OpenRice之觀點。)