影片
更多
2017-08-08
244 瀏覽
一向都鍾意日式居酒屋嘅輕鬆飲食氣氛，唔會好似酒吧嘅過度噪雜，又唔會好似餐廳咁拘束，無論想小酌一下，美酒當然有，抑或想填飽個肚，美食選擇都唔會少，而且食物份量通常比較細，可以食多幾樣，過足口癮。上星期日晚，就約咗朋友去銅鑼灣嘅 Firebird 食飯，7 點幾差唔多滿客，好熱閙，好彩朋友早到攞位先，如果唔係就有排等。呢度地方唔算好大，一入門口，就係好大嘅開放式酒吧，放滿酒水，冇乜多餘嘅擺設，走簡約時尚嘅自然木系，暗暗哋嘅燈光，飲食氣氛好唔錯，雖然座位有D逼，但係坐落都 OK 舒服。望完餐牌，即刻點咗個清爽嘅沙拉食吓先，野菜棒配 FireBird 特製味噌，冰鎮上碟，配搭好豐富，除咗紅黃椒、青瓜、車厘茄、甘筍同西芹之外，比較特別嘅仲有粟米，同埋好好味嘅甜薯，點埋個鹹鹹哋嘅特製味噌醬，好醒胃，不過，西芹同甘筍就乾咗D。刺身盛合五點盛 ( 一人前 ) 油甘魚、三文魚、吞拿魚、帶子同牡丹蝦，全部都好新鮮，尤其係嫩紅光澤嘅吞拿魚，同埋油甘魚好鮮甜。上壽司八貫，鰻魚、牡丹蝦、帶子、油甘魚、三文魚、吞拿魚、海膽、魚子，外型細粒咗少少，不過好新鮮，D飯好軟熟，最鍾意脹卜卜、令笠笠嘅魚子，鹹鮮好味。明太子
上星期日晚，就約咗朋友去銅鑼灣嘅 Firebird 食飯，7 點幾差唔多滿客，好熱閙，好彩朋友早到攞位先，如果唔係就有排等。呢度地方唔算好大，一入門口，就係好大嘅開放式酒吧，放滿酒水，冇乜多餘嘅擺設，走簡約時尚嘅自然木系，暗暗哋嘅燈光，飲食氣氛好唔錯，雖然座位有D逼，但係坐落都 OK 舒服。
望完餐牌，即刻點咗個清爽嘅沙拉食吓先，野菜棒配 FireBird 特製味噌，冰鎮上碟，配搭好豐富，除咗紅黃椒、青瓜、車厘茄、甘筍同西芹之外，比較特別嘅仲有粟米，同埋好好味嘅甜薯，點埋個鹹鹹哋嘅特製味噌醬，好醒胃，不過，西芹同甘筍就乾咗D。
刺身盛合五點盛 ( 一人前 ) 油甘魚、三文魚、吞拿魚、帶子同牡丹蝦，全部都好新鮮，尤其係嫩紅光澤嘅吞拿魚，同埋油甘魚好鮮甜。
上壽司八貫，鰻魚、牡丹蝦、帶子、油甘魚、三文魚、吞拿魚、海膽、魚子，外型細粒咗少少，不過好新鮮，D飯好軟熟，最鍾意脹卜卜、令笠笠嘅魚子，鹹鮮好味。
明太子玉子，一向都鍾意香甜軟腍嘅玉子燒，今次仲加埋明太子，而且玉子裡面又加咗紫菜，捲得好紮實，口感好鬆軟，蛋香之外加多份鹹鮮香，更加好味。
北海道產魷魚燒，又大又脹嘅魷魚燒得啱啱好，咬落口好軟滑，加埋面層嘅醬油吊吓味，鮮味出曬離，食魷魚燒，梗係要有酒啦！
朋友嘅係 Sangria ，都幾大杯，個樣十足一杯生果酒，D生果新鮮又大粒，有士多啤梨、芒果、奇異果、橙、檸檬同埋青檸，夠曬清新，夠曬果香，加埋兩片薄荷葉，味道好爽喉。
自己飲 Matcha Mojito，翠綠色賣相好清涼，抹茶味好鮮明，但酒味就淡D。
掛咁大個火鳥招牌，串燒決定全部食雞，有燒得好乾身嘅雞皮串，燶燶地好香口。雞腿串啖啖肉，好軟嫩。長蔥雞肉串，口感清爽。雞翼串，好大嘅完隻雞翼、咬落口好好肉。仲有覺得最好味嘅，自家製免治雞肉棒 ( 日本蛋黃 ) 呢個名符其實嘅啖啖肉，冇骨落地，混埋個日本蛋黃，口感滑溜又鬆化。
仲有熱辣辣嘅鍋物，鹿兒島霜降和牛 ( A4 ) 壽喜燒，牛肉唔會薄到軟腍腍，而且份量都唔少，食落口好有質惑，牛味好香濃，加埋肥肥哋嘅油香，滑溜溜嘅溫泉蛋，好正，最緊要仲有好多蔬菜伴住，平𧗾吓口感，我哋食曬成鍋，就啱啱好啦！
甜品，燒日本甜薯配抹茶雪糕，賣相有D驚喜，三層組合，最底係淡黃甜薯泥，暖暖哋好綿好香甜。中層係金黃嘅炸甜薯絲，好輕身，好香脆，唔油膩，口感唔錯。頂層就係冰凍之中，帶住D甘澀嘅抹茶雪糕，三重滋味，融埋喺口裡面，真係過足口癮，好滿足。星期日，食咗餐圓滿嘅晚飯，就係星期一嘅好開始啦！
張貼
