更多
2023-10-21
55 瀏覽
前幾個星期家姐已經話想試吓，今個星期六有時間上去試吓食lunch。上到去未係好多人，大概兩枱客。我哋喺門口望住一段時間先至有職員過嚟安排我哋入座。餐廳入邊總共有四個職員，兩個喺樓面，兩個應該喺廚房 /水bar 位置。我哋每人叫咗個set, 其實食物質素係OK嘅，但職員嘅服務暫時令人咋舌，估唔到咁樣嘅工作表現都有人請。1. 樓面兩位職員-男嘅長時間企喺角落頭玩電話，女嘅好難得先見到會出現，有嘢想問都好耐先見到有人。2. 樓面嘅職員基本上唔會開口講嘢。我哋入座嘅時候，笑容對白（一般都會叫客人自己用QR code落單）欠奉，連眼神交流都冇。4 我哋兩個人並排坐，點嘅餐唔一樣。食物上枱嘅時候，侍應完全冇問過邊一個食邊一份，直接放低行開，零交流，更加冇介紹過點樣用過蒸氣爐。4. 食嘢過程入邊，有兩次家姐唔小心整熄咗個爐。由於比較難搵到侍應，唯有大聲叫後面玩緊電話嘅侍應幫手。佢只係走過來，撳着返個爐就行開。又係零交流。5. 食完海鮮之後，我哋點嘅粥就送上嚟…. 侍應又係完全冇講嘢。6 我起身去洗手間，出咗門口以為洗手間喺出邊，點知搵唔到。再行返入門口，問女侍應洗手間喺邊，佢全程冇望過我 （雖然正面
上到去未係好多人，大概兩枱客。我哋喺門口望住一段時間先至有職員過嚟安排我哋入座。
餐廳入邊總共有四個職員，兩個喺樓面，兩個應該喺廚房 /水bar 位置。
我哋每人叫咗個set, 其實食物質素係OK嘅，但職員嘅服務暫時令人咋舌，估唔到咁樣嘅工作表現都有人請。
1. 樓面兩位職員-男嘅長時間企喺角落頭玩電話，女嘅好難得先見到會出現，有嘢想問都好耐先見到有人。
2. 樓面嘅職員基本上唔會開口講嘢。我哋入座嘅時候，笑容對白（一般都會叫客人自己用QR code落單）欠奉，連眼神交流都冇。
4 我哋兩個人並排坐，點嘅餐唔一樣。食物上枱嘅時候，侍應完全冇問過邊一個食邊一份，直接放低行開，零交流，更加冇介紹過點樣用過蒸氣爐。
4. 食嘢過程入邊，有兩次家姐唔小心整熄咗個爐。由於比較難搵到侍應，唯有大聲叫後面玩緊電話嘅侍應幫手。佢只係走過來，撳着返個爐就行開。又係零交流。
5. 食完海鮮之後，我哋點嘅粥就送上嚟…. 侍應又係完全冇講嘢。
6 我起身去洗手間，出咗門口以為洗手間喺出邊，點知搵唔到。再行返入門口，問女侍應洗手間喺邊，佢全程冇望過我 （雖然正面係對住我），keep住低頭，再用隻手指指後邊。
其實一開始我以為自己要求太多….點知去到上粥嘅時候，一向好隨和嘅家姐問我 ‘點解呢度啲侍應完全唔講嘢？’
其實幾百蚊嘅餐，我冇期望過五星級服務，只希望正正常常，入座俾少少笑容/眼神，提醒顧客二維碼落單，埋單嘅時候講聲多謝或者俾個笑容，就係咁簡單。
服務質素咁樣，幾好食都冇用….香港人仲有好多選擇。
0 瀏覽
0 讚好
0 留言
張貼
