影片
更多
2021-11-04
164 瀏覽
尋晚同朋友食夜晚火鍋，見有折就book5: 45 ，點知佢話7:30要交枱，連兩個鐘都冇，得1小時45分鐘，都諗住算，但到6:45有位阿姐就提我7:30要交枱，仲話係last order，點解咁早last order，我清楚講明7:30交枱，點知我都未加單，7:00就攞張單俾我，都未加單就cut單，個位阿姐態度仲好差，我即刻冇晒mood,叫佢放低張單先，點知佢唔夠3分鐘，7:08 就過嚟追我俾錢，跟住我就爆佢喇！佢仲話：「得啦！得啦！即你以家唔想比錢住呀…..」轉頭有個阿嬸出嚟想調停，佢話係公司制度，叫我體諒佢，比其他客人鬧，但一路講一路執我地張枱，環顧四周一半枱係吉，又冇人排隊，我同佢講不如你代入我角色，作為客人，我唔係任食，價錢都唔平，我唔知道自己點解好似食到好似去茶餐廳咁，請代我同你公司管理層反映，吹客人埋單真係好離譜，都唔知佢咁急做咩，我比張卡佢埋單應該2分鐘內簽埋名絕對冇問題。臨走前冇禮貌阿姐揸住3枝飲品話請我地飲，同我哋講唔好意思，我見到咁都算啦，不過佢哋管理層好大責任，原來嗰幾百個like，真係唔知邊度嚟，一睇啲負評，原來有好多人有同樣遭遇，講價錢，八五折後，我哋每人都成
轉頭有個阿嬸出嚟想調停，佢話係公司制度，叫我體諒佢，比其他客人鬧，但一路講一路執我地張枱，環顧四周一半枱係吉，又冇人排隊，我同佢講不如你代入我角色，作為客人，我唔係任食，價錢都唔平，我唔知道自己點解好似食到好似去茶餐廳咁，請代我同你公司管理層反映，吹客人埋單真係好離譜，都唔知佢咁急做咩，我比張卡佢埋單應該2分鐘內簽埋名絕對冇問題。
臨走前冇禮貌阿姐揸住3枝飲品話請我地飲，同我哋講唔好意思，我見到咁都算啦，不過佢哋管理層好大責任，原來嗰幾百個like，真係唔知邊度嚟，一睇啲負評，原來有好多人有同樣遭遇，講價錢，八五折後，我哋每人都成$375 ，仲係唔飽，價錢唔平，服務又錯，我終於明白點解星期五晚7:00幾走，嗰度都係好冷清😅
張貼