影片
更多
2015-08-20
5137 瀏覽
(呢間放題我好滿意 )一向為食既我，梗係鍾意周圍食，睇下有咩好食，扺食架啦。呢間係銅鑼灣叫滿屋既放題我會俾一個字，好。咁我地一家就book左食六點既，但係因為我地一向都唔鍾意遲到既，所以五點十就上左去滿屋，早到好過遲到牙麻。一到滿屋個層出lift，已經有個接待係門口問我地幾多號訂座number，然後就俾張卡我。我跟住就問係咪準時六點先入得，其實心入面都預左係架啦。點知個接待竟然話可以人去坐得啦，坐住飲住野先啦。個刻個心真係一暖，呢d小事其實就係令到我地客人覺得窩心既因素，俾着出面有d餐廳，你訂幾點就一定要幾點先入得，邊會好似呢間放題咁好。我唔係淨係因為咁而讚呢間放題好，野食當然係一個好重要既因素啦。刺身新鮮不在話下，又多款式揀，淨係刺身都有十幾款。而我自己最鍾意既就係佢地個個焗廣島蠔。出面好多既放題都有焗蠔食，不過通常黎到個陣，真係要用放大鏡先揾到隻蠔肉，其他咪用d沙律醬同d配菜扮到好似好大隻。但係呢度隻焗蠔d蠔肉真係好大隻，可能有人話咁啱個幾隻係大隻啫，不過我個晚我地一家四口食左差唔多廿幾隻，隻隻d蠔肉都好大，咁冇咁橋啦掛。所以我最推介既係刺身同焗蠔。員工既服務都係一個好扺讚既地方
一向為食既我，梗係鍾意周圍食，睇下有咩好食，扺食架啦。呢間係銅鑼灣叫滿屋既放題我會俾一個字，好。
咁我地一家就book左食六點既，但係因為我地一向都唔鍾意遲到既，所以五點十就上左去滿屋，早到好過遲到牙麻。一到滿屋個層出lift，已經有個接待係門口問我地幾多號訂座number，然後就俾張卡我。我跟住就問係咪準時六點先入得，其實心入面都預左係架啦。點知個接待竟然話可以人去坐得啦，坐住飲住野先啦。個刻個心真係一暖，呢d小事其實就係令到我地客人覺得窩心既因素，俾着出面有d餐廳，你訂幾點就一定要幾點先入得，邊會好似呢間放題咁好。
我唔係淨係因為咁而讚呢間放題好，野食當然係一個好重要既因素啦。刺身新鮮不在話下，又多款式揀，淨係刺身都有十幾款。而我自己最鍾意既就係佢地個個焗廣島蠔。出面好多既放題都有焗蠔食，不過通常黎到個陣，真係要用放大鏡先揾到隻蠔肉，其他咪用d沙律醬同d配菜扮到好似好大隻。但係呢度隻焗蠔d蠔肉真係好大隻，可能有人話咁啱個幾隻係大隻啫，不過我個晚我地一家四口食左差唔多廿幾隻，隻隻d蠔肉都好大，咁冇咁橋啦掛。所以我最推介既係刺身同焗蠔。
員工既服務都係一個好扺讚既地方。每次舉手俾單d員工都好快咁過黎收，見我地隻碟多食完個d殼同垃圾就好主動同快咁幫我地換碟，又成日加茶，仲有d禮貌好到呢，成日都會唔該前唔該後，very good！
所以話呢間放題真係好，扺我俾個like佢。XD
張貼
