影片
更多
2023-07-16
103 瀏覽
呢排工作唔係幾順利 心情麻麻哋 友人就特登帶我嚟呢個餐廳 都唔知佢攞景定贈興 話要祝我麻麻哋喎😏 一睇個餐廳名就知好有玩味啦 就連食物名都好有gimmick㗎 真係好有創意😂唔好抱咁大期望蒲燒鰻魚蛋包飯呢個鰻魚蛋包飯可以加錢升級要原條鰻魚🫢 當然想要多啲餸啦 條鰻魚好厚肉 下面嘅蛋包飯 蛋嘅部份係用牛油炒嘅滑蛋 食落口都相當香 底下嘅飯用咗甜豉油製作 所以整體都好夠味🍚 鰻魚汁都好好送飯好邪惡嘅鹹蛋牛油果蟹肉比薩咩叫減肥好鍾意佢個Pizza啊😌 因為係薄pizza 食落口 真係勁脆囉 面頭就有牛油果粒粒 好多蟹肉👍🏻 同埋鹹蛋黃調味 仲有六隻蟹鉗仔 搣出嚟都好多肉㗎🦀 掹出嚟仲有拉絲添呀是但求其乜都炸啲啦小食拼盤入面包括咗雞翼 炸蝦 炸魚柳 炸薯條🍟 樣樣都好多 呢個價錢算好抵食 同朋友分享就啱晒 我最鍾意佢個炸蝦🍤 焦糖脆脆窩夫Waffle一上碟已經好香蛋味🥚食落口都好軟熟 加上側邊有海鹽雪糕 奶蓋 同埋最重點嘅焦糖脆脆🥰 幾樣嘢夾埋一齊食 真係好好食😋 單獨咁食焦糖脆脆 初初可能會有少少苦味 但係同埋奶蓋等等嘅配料一齊食就唔會覺得苦㗎啦🍬芝士蛋糕兩件呢度嘅芝士蛋糕有好多種口味 今次
呢排工作唔係幾順利 心情麻麻哋 友人就特登帶我嚟呢個餐廳 都唔知佢攞景定贈興 話要祝我麻麻哋喎😏 一睇個餐廳名就知好有玩味啦 就連食物名都好有gimmick㗎 真係好有創意😂
唔好抱咁大期望蒲燒鰻魚蛋包飯
呢個鰻魚蛋包飯可以加錢升級要原條鰻魚🫢 當然想要多啲餸啦 條鰻魚好厚肉 下面嘅蛋包飯 蛋嘅部份係用牛油炒嘅滑蛋 食落口都相當香 底下嘅飯用咗甜豉油製作 所以整體都好夠味🍚 鰻魚汁都好好送飯
好邪惡嘅鹹蛋牛油果蟹肉比薩咩叫減肥
好鍾意佢個Pizza啊😌 因為係薄pizza 食落口 真係勁脆囉 面頭就有牛油果粒粒 好多蟹肉👍🏻 同埋鹹蛋黃調味 仲有六隻蟹鉗仔 搣出嚟都好多肉㗎🦀 掹出嚟仲有拉絲添呀
是但求其乜都炸啲啦
小食拼盤入面包括咗雞翼 炸蝦 炸魚柳 炸薯條🍟 樣樣都好多 呢個價錢算好抵食 同朋友分享就啱晒 我最鍾意佢個炸蝦🍤
焦糖脆脆窩夫
Waffle一上碟已經好香蛋味🥚食落口都好軟熟 加上側邊有海鹽雪糕 奶蓋 同埋最重點嘅焦糖脆脆🥰 幾樣嘢夾埋一齊食 真係好好食😋 單獨咁食焦糖脆脆 初初可能會有少少苦味 但係同埋奶蓋等等嘅配料一齊食就唔會覺得苦㗎啦🍬
芝士蛋糕兩件
呢度嘅芝士蛋糕有好多種口味 今次我揀咗紐約原味同埋焙茶口味😙 紐約芝士蛋糕味道傳統🍰 焙茶味道好濃郁 我比較鍾意食焙茶嗰件多啲 比較有驚喜
黃金阿婆塊皮
睇個名真係完全唔知係啲咩 英文名先知🤣 Golden Apple Frappe 呢個蘋果沙冰喺夏天飲就啱晒🍏 味道唔會太甜 仲有少少蘋果酸味 所以好Fresh
宇治抹茶澀澀地
呢個綠茶粉同埋奶嘅比例做得好好🍵 入落口好順口 唔係好覺佢澀 而係抹茶濃郁嘅口味😌
心情唔好食返餐勁嘅真係會開心好多 雖然餐廳名叫麻麻哋 但係食物質素一啲都唔會麻麻哋 令人好想再嚟幫襯啊😎
張貼
