瀛豐放題料理專門店 (已搬遷) 新店位置

今天約左朋友一齊去維園游水，運動完出來時非常肚餓，就去銅鑼灣找下有什麼好嘢吃。朋友說不如去京都廣場10樓食，個到有間瀛豐放題都幾好食而且仲唔貴，而且在星期五、六、日及公眾假期前夕，在19:30前離座只收$199。+$118仲有升級任食優惠。因太肚餓我們好快就叫食物，全部都係用QR CODE 你電話落order,很方便快捷，又齊單！原來只要在Facebook like 佢就免費有個湯送，今晚我飲的是南北杏菜乾豬肺湯，內有豬肉、雞肉、圓玉，豬肺、白菜、南北杏，食材豐富十分好飲。我個刺身來了：有希靈魚、珍寶赤蝦、北海道角螺、油甘魚、三文魚、象拔蚌、馬刀貝、白玉䐁共8款。珍寶赤蝦果然好大隻，有手掌咁長而且很鮮甜，象拔蚌爽脆又新鮮，角螺鮮甜爽脆又無沙，刺身款款都新鮮好味。火炙壽司：鵝肝帶子火炙壽司，鵝肝金香帶子鮮甜，如果食多幾件都回本，和牛火炙壽司，三文魚火炙壽司，火炙左口魚邊，左右魚因用火燒一燒，食落口即容而有一陣燒烤味，真是要叫多件。一口鰻魚本來應該唔錯，但是我覺得鰻魚太細件真是一口鰻魚，如果大件些就食得比較痛快。泰式料理:脆皮鹹豬手，皮脆肉香，食時要小心盪，鮮淮山炒雜菌，淮山爽爽地，雜菌很