Pokka Cafe (已結業)

聽人講過好多次哩間都幾好味, 但一直都未試過, 今日經過就即管試下啦! 叫左一個set dinner 係鐵板果個, 佢係叫DIY鐵版, 所以上枱嘅時候唔係好熟, 要叫你自己燒, 但放多左陣, 舊牛肉就變到太老咁@@ 唔知係燒得太耐定本身舊牛肉唔靚, 食落好un 咬極都咬唔開... 不過D汁就幾好味, 佢側邊會有個汁要你落鐵板, 其他就比你點來食. 有個南瓜醬都幾好味幾特別! 仲叫左個芝士蘑菇意粉, 個白汁都幾濃幾好味 唔會話成碟意粉淡mou mou, 不過佢個title有芝士, 我就略嫌芝士味唔夠重, 食落似普通白汁意粉咁嘅味... 不過值得一提係哩度服務幾好, 一叫D waiter好積極過來, 見到我地有需要好會自動做, 好好! 環境都好舒服, 算係一間平價嘅高級餐廳