晶荷軒

營業中

休息中

星期三check out之後，同老公係晶荷軒食埋lunch，再去迪士尼碼頭同迪欣湖行下。我地之前係Klook買左迪士尼特色點心午餐，扣扣埋埋兩位$786.7，食晒都飽架。我地揀左香片，唔苦澀，仲有兩碟小菜: 拍青瓜同XO醬。青檸珍珠元貝沙律元貝好鮮甜，配青檸珍珠幾夾。迪士尼特色點心: 蠔汁叉燒豬仔包、醫神海鮮雞肉包 、米奇鴛鴦糕兩個包都正常發揮，醫神海鮮雞肉包好可愛。米奇鴛鴦糕係蘿蔔糕同芋頭糕，賣相係米奇頭，味道唔錯。海鮮豆腐羮比較鹹，應該有落味精。欖醬靈芝菇炒牛小排牛小排幾腍，略油左啲。上湯鳳尾蝦燴伊麵幾好食，伊麵以上湯甘煮好味過乾燒。唐老鴨綠豆蓉包拼陳皮紅豆沙湯丸豆蓉包食落即係蓮蓉包，幾甜下。紅豆沙甜度適中，湯丸係黑芝麻湯丸。