鮮入圍煮 (已搬遷) 新店位置

已經嚟過幾次，呢度嘅花膠雞湯真係令我念念不忘！好濃郁好多花膠😍😍顧住食花膠嘅時候太專心，食曬先醒起未影相😂😂識食嘅一定係食曬啲花膠，飲夠湯，先再加湯打邊爐。邊爐料點少得肥牛，但可能今次我哋揀嗰係最平version，覺得份量少咗同太薄。雖然係有啲貴，但聖子王真係令人好滿足，肥美😋呢個爆汁牛丸第一次食已愛上😍彈牙！多汁！濃郁嘅牛味！一定要試！食飽飽嘆返支土耳其蘋果味汽水，完滿！