影片
更多
2022-05-08
346 瀏覽
依間日式鉄板燒店大家應該都唔陌生，之前介紹過佢哋嘅銅鑼灣旗艦店嘅串燒及鉄板燒，今次返去佢哋嘅灣仔創始店，環境雖然相對上細啲，但就比起銅鑼灣店望到更靚嘅維港景，夜晚食飯一邊望住師傅席前表演，一邊欣賞到後面香港夜景🌃 真係一大享受！今次依個套餐合共11道菜，由刺身去至海鮮至牛扒，任何人應該都會覺得滿足，偶爾放肆一下也無妨😃-金 • 特選鉄板燒 （$3380/2人前）Deluxe Teppanyaki Set (For 2 Person)*-前菜-螢光魷魚，芝麻豆腐，蕃茄*-季節沙律-蟹肉野菜沙律*-刺身3款-分別係鯖魚，牡丹蝦 及 拖羅刺身*-本日海鮮-鐵板燒活龍蝦🦞 有得另選澳洲活鮑魚～ 但有得食原隻龍蝦就當然唔好錯過啦！師傅會幫你起埋肉，再淋上加入左牛油嘅龍蝦蝦頭膏香煎，入口肉質結實爽彈，加埋蝦膏加持，鮮味Double Up*-鱈場蟹-未燒之前已經見到蟹肉雪白紅潤，師傅同樣會拆肉再加蝦頭膏，食落啖啖肉，肉質鮮嫩飽滿，鐘意海鮮嘅朋友仔應該好滿足🥰 但一連兩道菜都用上蝦頭膏烹煮，所以偏膩左啲*-美國牛肉薄燒/厚燒-薄燒牛肉會加入蔥花及炸蒜片卷住一齊食，特別香口帶油香～ 而厚燒就食到肉嘅軟淋
-
金 • 特選鉄板燒 （$3380/2人前）
Deluxe Teppanyaki Set (For 2 Person)
*
-前菜-
螢光魷魚，芝麻豆腐，蕃茄
*
-季節沙律-
蟹肉野菜沙律
*
-刺身3款-
分別係鯖魚，牡丹蝦 及 拖羅刺身
*
-本日海鮮-
鐵板燒活龍蝦🦞 有得另選澳洲活鮑魚～ 但有得食原隻龍蝦就當然唔好錯過啦！師傅會幫你起埋肉，再淋上加入左牛油嘅龍蝦蝦頭膏香煎，入口肉質結實爽彈，加埋蝦膏加持，鮮味Double Up
*
-鱈場蟹-
未燒之前已經見到蟹肉雪白紅潤，師傅同樣會拆肉再加蝦頭膏，食落啖啖肉，肉質鮮嫩飽滿，鐘意海鮮嘅朋友仔應該好滿足🥰 但一連兩道菜都用上蝦頭膏烹煮，所以偏膩左啲
*
-美國牛肉薄燒/厚燒-
薄燒牛肉會加入蔥花及炸蒜片卷住一齊食，特別香口帶油香～ 而厚燒就食到肉嘅軟淋質感，肉質嫩口，但肉味弱左少少🐂
*
-季節野菜-
*
-炒飯-
自從教主Anson Lo 到訪左銅鑼灣店，仲要即席親身表演鐵板炒飯，變成一眾神徒朝聖嘅菜式🤣 首先將牛肉粒，青紅椒，洋蔥等配料炒香，再加入白飯炒勻，最後加入雞蛋及蔥花炒至粒粒分明，食落乾身帶煙煙韌韌嘅口感🥢
*
-漬物-
*
-湯-
估唔到湯都有驚喜，放左龍蝦頭入去煮，所以增加左一份鮮味！
*
-甜品-
之前係銅鑼灣店就食左佢哋嘅邪惡焦糖麵包，而依到都有佢哋嘅特色甜品疏乎厘，空氣感十足之餘仲帶奶香，係幾有心思嘅甜品🍓
張貼
