更多
2021-07-25
3154 瀏覽
朋友生日,想食蒸氣火鍋,上網搵到呢間「小漁港海鮮舫」,網上好評如潮,一於今晚試下先!餐廳環境寬敞,坐得舒適,有二人卡位又有大圓枱,情侶或者朋友聚餐都好適合。小漁港主打蒸氣火鍋,每日新鮮購入食材,今晚揀左$298/位是日廚師精選套餐。先上刺身拼盤,厚切帆立貝好鮮甜,仲有細嫩三文魚、充滿魚油香既油甘魚、同埋甘甜北寄貝、肉質細綿帶爽既牡丹蝦。加左個餐前小食燒魚乾,即叫即整熱辣辣,鹹香十足又有咬口,佐酒一流~之後就開始蒸時令海鮮,成個過程都會有店員幫手,放落蒸鍋再用計時器計時,確保時間岩岩好,唔會過熟。先有鮑魚、蒜蓉粉絲元貝、海蝦、馬友,鮑魚好新鮮爽滑,元貝夠肥厚,海蝦結實有彈性,馬友好鮮美。下一輪係斑片、和牛粒,斑片啖啖肉,口感嫩滑有彈性,和牛粒牛味香濃,軟腍多汁。再下一輪係生蠔、馬刀貝、蜆,大大隻生蠔好鮮甜,馬刀貝同蜆都好新鮮飽滿。之後蒸原隻蟹,蟹蓋會用黎熬粥,好多蟹膏,蟹肉鮮甜又彈牙,正。跟住有蟲草花蒸雞配烏冬、南瓜、粟米同芋頭,烏冬好煙韌,吸滿蟲草花蒸雞既汁更滋味,雞件嫩滑又鮮味;南瓜、芋頭都好軟滑~最後食埋個鮮甜綿密蟹粥,真係勁滿足。
上網搵到呢間「小漁港海鮮舫」,
網上好評如潮,一於今晚試下先!
餐廳環境寬敞,坐得舒適,
有二人卡位又有大圓枱,
情侶或者朋友聚餐都好適合。
小漁港主打蒸氣火鍋,每日新鮮購入食材,
今晚揀左$298/位是日廚師精選套餐。
先上刺身拼盤,厚切帆立貝好鮮甜,
仲有細嫩三文魚、充滿魚油香既油甘魚、
同埋甘甜北寄貝、肉質細綿帶爽既牡丹蝦。
加左個餐前小食燒魚乾,即叫即整熱辣辣,
鹹香十足又有咬口,佐酒一流~
之後就開始蒸時令海鮮,
成個過程都會有店員幫手,
放落蒸鍋再用計時器計時,
確保時間岩岩好,唔會過熟。
先有鮑魚、蒜蓉粉絲元貝、海蝦、馬友,
鮑魚好新鮮爽滑,元貝夠肥厚,
海蝦結實有彈性,馬友好鮮美。
下一輪係斑片、和牛粒,
斑片啖啖肉,口感嫩滑有彈性,
和牛粒牛味香濃,軟腍多汁。
再下一輪係生蠔、馬刀貝、蜆,
大大隻生蠔好鮮甜,
馬刀貝同蜆都好新鮮飽滿。
之後蒸原隻蟹,蟹蓋會用黎熬粥,
好多蟹膏,蟹肉鮮甜又彈牙,正。
跟住有蟲草花蒸雞配烏冬、南瓜、粟米同芋頭,
烏冬好煙韌,吸滿蟲草花蒸雞既汁更滋味,
雞件嫩滑又鮮味;南瓜、芋頭都好軟滑~
最後食埋個鮮甜綿密蟹粥,真係勁滿足。
張貼