小漁港海鮮舫 鮮蒸‧鮮味火鍋

Seafood Port Restaurant
351
12
15
港鐵太子站 C2 出口, 步行約7分鐘 繼續閱讀
電話號碼
28689863
68833144 (WhatsApp)
開飯介紹
由3位80後年青老闆創業,主打簡單又鮮美的蒸氣火鍋,少不了黃花魚、海花虎斑、海中蝦、花竹蝦、麵包蟹、本地奄仔蟹等各款海鮮;蟲草花蒸雞、黑毛豬腩片、芝士南瓜丸、魚蛋小籠包等蒸鍋配料。 繼續閱讀
營業時間
今日營業
18:00 - 02:00
星期一至日
18:00 - 02:00
付款方式
Visa Master 現金
其他資料
深夜營業
酒精飲品
加一服務費
有關餐廳
小漁港海鮮舫 鮮蒸。鮮味火鍋
鬧市中的地道滋味「小漁港」 
位於太子荔枝角道的「小漁港海鮮舫」,門面以白色牌匾以紅色大字標註「小漁港」三隻字,令店舖顯得十分搶眼。由三位草根出身的八十後年青人,經歷十多年的難苦打工仔生涯後,於2016年5月在此「小漁港」開始了自己的第一間餐廳。甫進店內,看到裝潢充滿昔日香港地的回憶主題,由侍應的服務以至菜式的舖排設計,更不自覺道出了昔日舊香港那種濃厚情深的人情味。

真材實料。健康味美
店內主打蒸氣火鍋,食法較健康,用蒸氣方法保留食物的本質,場內置有大魚缸,每日新鮮購入食材。餐牌上見有不同「派系」出場 — 有日系刺身,又有針對蒸鍋主打的海鮮系列,海魚類包括有黃花魚、海花虎斑、花金古等,而「蝦兵蟹將篇」更備有海中蝦、花竹蝦、麵包蟹、本灣奄仔蟹等,陣容強大。
想食潮啲,可以揀「潮蒸點心」如:芝士南瓜丸、魚蛋小籠包、皮蛋薑汁貢丸,而其他「潮蒸肉食」又可找到蟲草花蒸雞、黑毛豬腩片。除了特色蒸氣海鮮與火鍋,更有特色粥品及米飯(例如:糯米飯手卷),為大家增添「米」氣。

食評 (415)
等級4 2020-01-12
2279 瀏覽
💭同好姐妹們都有一排無見,今晚終於約到一齊食飯,當然要去食餐好啦。想搵間坐得舒舒服服,又可以慢慢邊食邊傾嘅餐廳,最後我地去左呢間主打海鮮蒸氣鍋嘅小漁港。◾️小漁港主打兩款套餐,一款$298 是日廚師精選套餐,一款$398 海鮮蒸鍋套餐,我地一行6人岩岩好,可以挑戰佢個有阿拉斯加蟹嘅海鮮蒸鍋套餐!個餐仲有幾款時令海鮮,最後有烏冬同粥,真係食到捧住個肚走!🥢等上菜之前,食個小食吹下水先,我地點左個「燒魚干」,燒到表面香脆,咬落又幾有咬口,咸香食唔停口呀。◾️然後待應就拎我地今日隻阿拉斯加蟹比我地睇,非常大隻,d腳長到呢,正呀!🥢事不宜遲,海鮮餐開始啦~ 首先係粉絲蒜蓉蒸元貝,大隻厚肉,再加上粉絲吸左d蒜香,非常惹味。🥢然後係蒜蓉蒸花竹蝦,肉質幾彈牙,甜美夠新鮮。🥢接住就到今晚主角”阿拉斯加蟹”!新鮮即劏,大隻到鋪滿成個盤,而且蟹膏係裝滿成個殼,認真不得了!蟹膏拎黎煲粥而蟹腳就蒸黎食,蟹腳肉好多,好實肉,入口嫩滑,味道鮮甜。呢個真係正,食完之後都回味左好耐!🥢之後到南非鮑,鮑魚大大隻,都幾厚肉,爽口彈牙,有咬口又唔韌。🥢仲有貝殼四寶,今日係馬刀貝、蕃薯貝、貴妃蚌同生蠔。馬刀貝同蕃薯貝d肉都漲卜卜,肉質嫩身,時間岩岩好。貴妃蚌肉質彈牙,味帶咸鮮味。生蠔肉質脆口嫩滑,一啖就呑左落去了,好好味!🥢然後係草蝦,個頭有膏,肉質結實,不用調味已夠晒鮮味!🥢食完咁多海鮮,未完架,仲有主食,我地選左蟲草花蒸雞配鳥冬底。蒸雞肉夠嫩滑,略帶油香,而烏冬底就吸滿雞精華,金光閃閃,好吸引,啖啖都滿滿雞味呀!🥢食完油膩野,有個農家四寶清清個口,當中包括絲瓜、粟米、甜薯同南瓜,清清甜甜,食完油膩感無晒。🥢最後最後最後!阿拉斯加蟹膏粥,煲足一晚,海鮮嘅精華都落晒去,再加上咁大盤蟹膏,成個粥都變成金黃色,非常rich,好強嘅蟹香,蟹膏嘅咸香,真係好好味,雖然有d飽,都要食埋佢,今餐好滿足呀!💭總括而言,小漁港嘅$398 海鮮蒸鍋套餐認真唔係講笑,足料超值,淨係隻新鮮阿拉斯加蟹已值回票價,仲有咁多款海鮮同個蟹膏粥,性價比超高,好抵食!而且所有食材都好新鮮,份量十足,真係食到捧住個肚走,一定會再叫朋友黎食! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-26
3928 瀏覽
工作太忙,越來越難就到家人一起晚飯,細佬生日當然要同佢食好d,細佬鍾意食海鮮朋友介紹左呢間位於太子既海鮮蒸!店員早上巳經reconfirm個booking可能係要預備下當日海鮮吧,我們選了298一位的廚師精選套餐。坐底不久,店員就端上刺身拼盤。有新鮮帶子、甜蝦、北寄貝及象拔螃,個人特別喜歡帶子大大粒又鮮甜😋店員放好蒸盤會調好時間替我們把海鮮蒸熟。南非鮑/扇貝/海蝦/魚兩隻南非鮑魚,鮑魚很新鮮仲郁緊!口感煙韌彈牙岩灑補下骨膠元!個人特別喜歡這個馬友魚,蒸得剛剛好,魚肉夠滑又鮮味👍🏻而扇貝則加了蒜蓉及粉絲一起蒸,幾野味呢!蟶子/魷魚/蠔蒸了魷魚及蟶子幾大隻,肉夠厚也是加了蒜蓉調味,幾野味!而蠔也很鮮味呢!瀨尿蝦蒸了大概8分鐘,一開蓋全部都熟透了,好香好大隻好鮮甜,有驚喜又鮮甜😋蟹幾大隻,店員巳準備好灑工具給我們刷蟹!蟹羔蟹肉很鮮味!蟲草花蒸雞烏冬有雞、蟲草花、烏冬、粟米、南瓜及芋頭。蒸了大概9分鍾,雞件蒸得滑滑剛剛好配合健康松草花、粟米、芋頭及南瓜的也很清甜,很飽肚呢!粥底粥底㚒雜了海鮮精華仲有元貝南瓜及豬骨作材料,很鮮甜😋😋個人幾欣賞這家海鮮蒸,原汁原味沒有強制加任何調味,材料新鮮大份會再幫襯😋 繼續閱讀
(以上食評乃用戶個人意見 , 並不代表OpenRice之觀點。)
等級2 2020-05-15
0 瀏覽
今日五個人嚟食飯,揀咗呢個套餐。298蚊位,有啲食物食到唔記得咗影,盡量文字講返。一開始俾咗刺身我哋,有象拔蚌,帶子同北寄貝。象拔蚌好爽,帶子鮮甜,北寄貝無乜特別。套餐有八個海鮮。第一個係蒜蓉蒸帶子,粉絲好入味,帶子好甜,正第二樣係龍蝦,每人有一隻,即係2邊,蝦肉好爽蛋鮮甜。一直以為龍蝦正會好怪,但原來好好味第三第四樣係鮑魚同埋唔知乜嘢魚。鮑魚正常,已經起好咗肉。魚好好食,有魚味唔腥第五樣係紅,蠔無腥味,但我覺得一般般。我覺得始終蠔係生食正d第六樣係蒸蝦,正常爽彈第七樣印象中係一般般嘅魷魚,有腥味。第八樣就唔記得。之後有啲蒸牛肉,牛肉有肉味,唔會老。其實之後仲有一個好大盆嘅拼盤,當中有蒸南瓜,蒸番薯,蒸勝瓜,蒸粟米,蒸芋頭,仲有蟲草鮮雞烏冬。蟲草雞烏冬超好食,啲雞好滑。最後仲加咗個南瓜瑤柱粥底,吸收晒之前海鮮啲精華,超好食。個人來講最鍾意就係呢個粥,食咗兩碗都唔夠喉呢個套餐價錢超抵食,食到中段已經好飽。質素唔差,可以再試 繼續閱讀
(以上食評乃用戶個人意見 , 並不代表OpenRice之觀點。)
早兩個星期連訪三家心儀食店都吃了閉門羹,最後唯有在附近隨便找點吃的,倒霉程度連我自己也嚇一跳。不過不到黃河心不息,今次出發前做好功課,避開了其公休日前往,晚上六時多都要等了約一會先能入座入到去檯面坐位也闊落,蒸氣火鍋來說坐得舒適。門面以白色牌匾以紅色大字標註【小漁港】。蒸氣鍋開到成行成巿,要突圍而出緊係要攪攪新意思,呢間响深水埗太子交界既【小漁港海鮮舫 鮮蒸】。鮮味火鍋一直都很喜歡。門面已經有一個大大的海鮮大魚缸,新鮮程度即刻可見,因為老闆每日新鮮購入食材,非常放心食物質素。入門前呢度注重衛生又對疲情嚴謹,會幫係量左睇溫先,另外睇得出呢度的環境都深受以前香港文化熏陶,牆身、裝修、大環境、擺設等等都俾到你致身於舊時香港的感受。每位待應都非常有禮、幫客人斟水、蒸海鮮、睇時間等等,有heart,抵讚!一如概往點了-"廚師是日精選套餐" 每位$298,有D咩食可以睇番Facebook啦,每日Update,今日係「象拔蚌刺身拼盤、貝殼三寶、扇貝一隻、鲍鱼一隻、龍蝦半隻、海蝦一隻、海魚一件、農家四寶、蟲草花蒸雞烏冬底、贈送時令海鮮一款」。👋日系刺身及燒魚干先登場燒魚干呢個小食好喜歡因為係吹水切點,好好既前菜,燒魚干燒到表面香脆,有咬口,夠咸香,送酒一流。至於個日系刺身-象拔蚌刺身拼盤-有「新鮮生蠔、三文魚、北寄貝及象拔螃」,個人特別喜歡新鮮生蠔、三文魚,兩者非常鮮甜,有驚喜,估唔到蒸氣火鍋都有高質刺身。食完先出去拎調味。另外枱上有少少花生同喬頭比你打發下時間食下野。到重點啦,店員放好蒸盤會調好時間,每樣慢慢的替我們把海鮮蒸熟。在吃海鮮前把生米、南瓜、乾瑤柱、排骨等放在鍋底,每一道海鮮蒸完,都要攪拌一下粥,幾時有得食?記係蒸完八道海鮮後先可以食呀因為,蒸海鮮的過程中把粥煮好又要吸取了每一款海鮮的精華好講究架。👋南非鮑/海蝦/海魚/扇貝-南非鮑,鮑魚大大隻,新鮮厚肉,口感煙韌爽口彈牙,有咬口又唔韌。-海蝦好鮮,個頭有膏食,肉質結實,我波有調味已夠晒鮮味了。-海魚好推介,馬友魚肉質鮮美,細膩而爽口,脂肪厚度超過10% ,高出一般魚類甚多,好滑好滑好滑好滑好滑好滑好滑,蒸得剛剛好。-扇貝,蒜蓉粉絲蒸扇貝加蒸魚鼓油已經可以帶出扇貝既鮮味,粉絲入味軟身有汁,扇貝蒸得剛好彈牙,惹味呀!.👋貝殼三寶今日係「馬刀貝、蕃薯貝、同蟶子」。馬刀貝、蕃薯貝體積唔算大,但勝在鮮味爽,陣陣海水咸香食落都漲卜卜,蟶子肉質脆口嫩滑原汁原味沒有強制加任何調味顯得更新鮮,時間蒸得岩岩好!!👋龍蝦半隻開邊龍蝦,龍蝦同樣用左蒜蓉去蒸,好香蒜蓉味,蝦肉彈牙肉質鬆軟,好鍾意,好吃還很健康,吃了之後讓你齒夾留香,回味無窮,停不下來。👋瀨尿蝦一隻蒸了大概8分鐘,顏色好靚呀,比想像中大隻,口感香甜,特别好吃,新鮮的瀨尿蝦食用起來味道更好,而且其中的營養成分也保留的更好。有驚喜又鮮甜。👋農家四寶好BUY呢估MOMENT有啖菜食下,清清個口,當中包括「絲瓜、粟米、甜薯同南瓜」,絲瓜獨特的口感,軟爛的絲瓜吃起來清爽順口,開胃也無負擔,粟米、甜薯同南瓜都係 口感綿密、鬆軟,好甜。油膩感沒了。👋蟲草花蒸雞烏冬底主食選了蟲草花蒸雞配鳥冬底。超級正呢一PArt,飽住都要食,蟲草花既滋補,味道又鮮美!口感脆嫩爽滑,具有獨特的香氣,用黎蒸雞,藥材味不太濃,挺好吃的,而雞肉夠嫩滑,酒香感十足,重點是烏冬底就吸滿雞油精華,超香超惹味。好吸引呀,啖啖都滿滿雞味食完經已飽左8成啦!👋飽都要食埋海鮮南瓜粥底吸取了每一款海鮮的精華,除了十分綿滑之外都真係好好好好香。煲足兩個多時,海鮮嘅精華都落晒去,成個粥都變成金黃色的,好強嘅海鮮香,真係好好味,慢慢食慢慢品嚐。我記得店員早上reconfirm個booking要預備下當日海鮮,所以Book左就記得去啦,原然會浪費了。我們選了$298一位的廚師精選套餐,食到棒住個肚走實在太滿足,呢一餐食得好開心又放心因為餐廳提供消毒設施都好足夠,令你安安心心咁食野,好Enjoyyyyyy。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-16
444 瀏覽
呢間蒸海鮮我久唔久就會黎, 不過次次都係4個人, 今次終於叫齊6個人黎試長腳蟹餐~終於恨到喇~ 平時只可叫 $298,今次夠6個人就可以叫$398 餐有長腳蟹食..先黎蒸個蟹, 超大只, D 羔點解可以多到咁既?! 係咪加左料家?! 出面食都冇咁多... 唔知點解...貝類4款~好鮮甜~~~第2,3款...扇貝~~ 正呀!!!!開邊蝦~~~~不得不提呢個蠔~~~ 超正, 超大粒, 彈下彈下~~~~我有幸食到2粒.. 因為有人唔食..SO 益左我~脹卜卜到呢~~~~ 呢張圖, 引死人呀!!!我地玩輪盤, 贏多左份蟲草雞~ 所以呢盤係有2份雞, 我地勁想話, 不如唔好要雞, 要烏冬好過..因為個烏冬好滑, 索哂D 精華, 個個搶住食家.食到呢度都KO 到7788.最後食埋呢D 瓜菜..好FULL呀! 繼續閱讀
(以上食評乃用戶個人意見 , 並不代表OpenRice之觀點。)