千の味刺身壽司專門店 (海福花園商場) (已結業)

呢度除咗壽司刺身之外，仲有好多日式便當🍱午市套餐，非常之抵食，今日冇煮飯去買外賣返屋企食。揀咗鰻魚飯定食$95、雞扒飯定食$63 及燒汁牛肉飯$68。定食包前菜、沙律同埋飲品。前菜係螺肉幾好味。沙律菜新鮮，有孩子、粟米粒。鰻魚飯好多汁，鰻魚都幾大份，成個便當一定夠飽。雞扒飯定食，雞扒大塊又多汁，而且肉質幾滑。醬汁仲有芝麻更加香。燒汁牛肉飯亦都好好食😋牛肉超級多，而且肥瘦適中，牛味香濃又有啲牛汁同洋蔥。飲品，揀咗烏龍茶紙包裝。呢個價錢咁豐富，真係好抵食！