161
7
3
營業時間
今日營業
11:00 - 22:00
星期一至日
11:00 - 22:00
*最後落單時間：21:30
以上資料只供參考, 請與餐廳確認詳情
食家推介
話說復活節過後，小卷小立都仲有一段時間先番學。信義妹就有排都未有得復活。大家都出街玩下啦～～～ 但係玩完一大輪，信義妹就唔想番去再煮啦～～～ 就去 #千之味，買外賣番屋企食啦～ 今次叫咗壽司冷麵餐 $68 壽司有三文魚，白身魚，北寄貝，蟹籽，芥辣八爪魚白身魚一咬充滿魚油，口感豐富啊～芥辣八爪魚是放得滿滿的，唔會得少少。火炙壽司冷麵餐$75 火炙三文魚，火炙三文魚腩，火炙左口，火炙鰻魚，火炙熟蝦 兩盒冷麵都唔會太淋亦唔會黏埋一餅，唔撈醬都可以一條條夾到的～ 麵的面亦有蟹柳，青瓜絲和蟹籽，信義妹覺得蟹籽，青瓜和蟹柳都算多呀～ 跟餐有配芝麻醬，大家可以跟自己喜愛的濃淡自行調味。喜歡有齊前菜，小食，刺身，壽司和飯既話就適合迷你魚生飯餐啦～～迷你角切魚生飯 $108 有沙律，沙律菜新魚不苦澀。小食係螺肉刺身有三文魚，北寄貝，帶子，甜蝦 壽司有三文魚，白身魚，北寄貝，吞拿魚沙律，芥辣八爪魚，壽司刺身與軍艦都足料，唔會話刺身薄到透光。當然唔少得迷你角切魚生飯啦～跟餐亦都有飲品可以選擇，信義妹就揀咗汽水。最後都加咗兩份小卷 三文魚小卷$24正常發揮，下次想試埋鰻魚小卷。青瓜小卷$20平時係其他店食的青瓜卷，青瓜好多係切條。但千之味係用最嫰的部份切絲，清爽口感程度就加倍啦～ 如果唔想食刺身，店內都有其他熟食選擇，大家不用擔心唔食刺身就揀唔到啊～唔想出街都可以叫外送既，滿 $300就可以啦～～～@sushi93885690千の味刺身壽司專門店 (海福花園商場)地址：大圍積運街海福花園商場地下31-C1地舖
繼續閱讀
喺網上口碑唔錯嘅「千の味」，大圍分店同婆婆屋企好近；去探婆婆就順便買上去一齊當午餐食提供定食套餐，價錢親民訂購滿$3️⃣0️⃣0️⃣外送全港==========🔹照燒雞扒飯定食 $63配沙律及小食，送可樂/烏龍茶即叫即製熱度夠，雞扒及飯份量充足沙律菜新鮮；雞扒肉嫩，燒汁味道調較不錯；米飯灑上少量芝麻夠香口推介指數：8/10==========🔹迷你火炙三文魚腩丼 $108配沙律及螺肉小食+刺身 (三文魚2件、北寄貝2件、甜蝦1隻、帶子1片)+壽司拼盤5件 (三文魚、白身魚、北寄貝、吞拿魚沙律、芥辣八爪魚)送可樂/烏龍茶沙律菜同樣新鮮火炙三文魚甘香肥美，以適量鹽調味已足夠美味刺身整體新鮮厚切，個人最喜歡三文魚壽司飯酸醋比例適中，白身魚鮮嫩柔潤推介指數：8.5/10==========🔹蟹柳玉子燒4件 $38一絲絲長蟹柳肉及蟹籽鋪在玉子燒上玉子燒為冷盤，口感較紮實帶微微蛋香；蟹柳肉質素不錯推介指數：7.5/10==========🔹和風冷麵 $48配胡麻醬/辣醬，揀咗胡麻醬蟹柳絲份量充足冷麵爽口，配合青瓜絲、蟹柳及胡麻醬令整體味道清新又滋味，感覺輕怡又健康推介指數：9/10==========🔹吞拿魚沙律軍艦2件 $15吞拿魚沙律的醬不過多，味道調較正好而沒有腥味推介指數：8.5/10🔹芥辣八爪魚軍艦2件 $22芥辣八爪魚爽口，芥末味道恰好不嗆喉推介指數：8/10==========整體食物質素不錯，刺身新鮮，價錢合理，值得回訪
繼續閱讀
老公話想食日本嘢，見今晚無煮飯，放工落車果度又有間外賣壽司店，咁就順應民意吧。呢間外賣壽司地點方便，大圍港鐵站行過去只係5分鐘左右。黎到見到有個分店限定，迷李魚生飯餐都幾抵食，仲送沙律、螺肉、刺身6片同壽司拼盤5件，都係百令蚊。我叫左呢個餐，另外再叫左個五色丼、軟殼蟹反卷同埋蟹子軍艦，套餐及丼飯仲送埋飲品。迷你魚生飯餐前菜：沙律菜新鮮乾淨，螺肉爽口，有蒜味幾香。刺身6片 (三文魚及北寄貝各2件、甜蝦及帶子各1隻) 及壽司拼盤5件 (三文魚、白身魚、北寄貝、吞拿魚沙律及芥辣八爪魚各1件)：各款刺身及壽司新鮮，D魚帶薄薄油脂，質素唔錯。迷你三文魚粒粒海膽丼：雖然話迷你丼飯，但份量都唔算少，三文魚粒同海膽份都ok，每啖食到三文魚同海膽，有層次感，好豐富。五色丼：有三文魚、吞拿魚同油甘魚各2件，赤蝦1隻，另外三文魚籽。丼飯份量原來都幾多，刺身大塊加厚切，有口感，勁滿足。蟹子軍艦：紫菜脆，啖啖蟹子，夠滋味。軟殼蟹反卷 (4件)：軟殼蟹炸得夠香脆，加埋沙律醬仲好食，估唔到連熟食都好好。飲品：可樂兩罐，跟餐送。
繼續閱讀
同朋友house party，因為我哋都有返咁上下年紀😂😂所以都會想食得健康啲養生啲！今次嗌咗想試好耐嘅千之味壽司刺身拼盤啦🍱🍣有幾款係特別推介的🫵🏻：▪️赤身吞拿魚（肉質新鮮）▪️左口魚（夠滑！）▪️油甘魚（夠厚）▪️牡丹蝦（多肉）▪️魷魚（口感煙煙韌韌）▪️海膽（份量算慷慨）但係反而啲中拖羅同埋貝類就有少少腥！不過overall都有7.5/10啦！壽司飯唔算好大舊！啱啱好👍🏻！而且wasabi夠辣🌶️包裝又穩陣（大大個保溫袋❄️☃️）埋單每人人均$250左右，唔算好平！不過外賣party food嚟講叫做一個中價位嘅養生之選😋👍🏻
繼續閱讀
📍千の味刺身壽司專門店 (海福花園商場) (大圍)大圍積運街2-8號海福花園商場地下31-C1號舖朋友聚會，必叫壽司拼盤，千之味壽司大大件，食材新鮮，選擇多款，滿$300就送到屋企樓下，星期日網上即日叫壽司，大約一個鐘頭送到手上，超級方便😗Vip 會員仲有九折，大圍元朗都有分店💛
繼續閱讀
您可能會有興趣的...