譚魚頭火鍋 (已結業)

第二次晚飯來食，之前一早知20：30係開始任食，20：45㴝到，佢話假期要21：00先開始，因為眼見有位，問佢可唔可以早啲入去坐，如果唔係就去富臨，有個阿姐竟然話隨便你！跟住就話可以早少少入，唔好食住！好啦，入到去，我地話叫佢攞鼓油，叫天不應叫地不聞！佢啲味湯好多芫茜！咁唔係個個都食架麻！叫佢換啲無芫茜的，佢話公司規距一定要有芫茜，唔俾換，我話早兩日都可以換，佢就話係特別換俾我地！跟住晦晦氣氣攞一兜無芫茜過黎！我地話叫佢再攞一兜，佢話一人只可以有一碗！事實我地根本唔會貪心，要兩碗都無用啦！嘈佢個經理就出黎解圍！我地都息事寧人，明白事理唔嘈！點知個女經理過一陣又行過黎，又再講呢樣係公司規距！啲野食又唔係好食，任食都要$170一位，食到一肚氣！真係影衰曬其他分店！