鬼混 (已搬遷) 新店位置

之前上網見到E間以鬼怪👻做主題嘅餐廳已經覺得好吸引勁想試😍, 於是今晚小妹就約埋朋友一齊去探險👩🏻‍🏭! 一入去已經有副人骨💀☠️坐係bar枱前恭候你, 周圍放有好多奇怪異狀嘅擺設壁畫等等……每個角落都係打卡位🤳🏻! 餐廳環境陰陰暗暗, 感覺神秘!🌟孟婆湯🍸主要由Gin, Rum, , Vodka, Martini同Tequila調製而成, 入口有少少蘋果味, 之後慢慢慘出酒味, 最後帶有煎茶🍵嘅清香, 酒如其名, 小妹飲完都覺得有少少暫時忘記左一d野嘅感覺🤣🌟吞拿魚他他🐟🥑上面嘅黑色脆脆好香口, 旁邊係炸白吞拿魚, 入口魚味濃郁, 肉質非常柔嫩, 開頭食落有d唔太似魚🙈, 下面係吞拿魚他他, 味道清新開胃!🌟龍蝦湯配脆米伴海蜇頭珊瑚蚌🦞脆米波波極香脆, 上面淋上龍蝦 湯令其慢慢散開, 龍蝦湯味道濃郁鮮甜, 脆米吸左湯嘅味道, 口感同層次較傳統泡飯更勝一籌!🌟佛手柑伯爵茶果凍側邊撒有口感煙韌嘅茶味曲奇餅碎, 下層係濃郁嘅伯爵茶味奶凍, 口感柔軟幼滑, 上層嘅玫瑰味啫喱微酸帶甜, 令整體感覺清新有驚喜!