兩興潮州海鮮飯店 (已結業)

搵到好工,同家人食飯慶祝,揀左爸爸最愛既兩興.豪叫左:- 紅燜大鮑翅: 成碗都係牙籤咁粗既翅,感覺好豪! 不過個獻淡左少少;- 凍蟹: 啖啖肉,極之鮮甜,我連醋都唔點就咁食;- 鵝掌翼併鵝肝: d鹵水汁入晒味.爸爸完全唔理膽固醇,係咁食d鵝肝,入口即融咁話. 不過鵝掌實在太少啦!- 炸蝦蟹棗: 想講俾大家聽蝦蟹棗點個d叫做"吉油",潮州only既醬. 我最愛蝦棗夠晒脆又香,爸爸就鐘意蟹棗d馬蹄夠爽口;- 春菜煲: 潮州既家常菜,我覺得今晚煮得唔夠腍,失準;- 沙嗲牛肉炒河: 牛肉嫩,菜心爽,簡直超水準!- 芋泥: 唔會太甜,食完成個口同個心都甜晒!食完飲杯功夫茶,同家人吹下水,人生一樂也!