影片
更多
2022-09-07
566 瀏覽
介紹返💁🏻♀️。。🇯🇵 咖喱飯 在鰂魚涌 🇯🇵。坐忘 Camper’s 。濱海街13號中興大廈地下。15種一日野菜350g咖喱飯 Daily Portion 350g Vege Curry。HKD68 烤雞野菜忌康湯烏冬 Roasted Chicken and Vege Udon in Cream Soup。HKD78主餐奉送 熱/凍 日本焙茶一杯Meals come with Hot / Cold Hojicha轉 橙汁/蘋果汁 Change to Orange Juice / Apple Juice 。Additional HKD5🤫 啱啱嗰個星期一同咗個成年都只係用Teams同Emails Communicate嘅HR同事仔食Lunch..話說佢因為Covid同埋要生B所以返咗印度成年..近排先一家大細返翻嚟香港..一於搵個啱佢食嘅好地方聚一聚🤫 因為HR 同事仔係Vegetarian..但係我又係食肉獸🤭..諗嚟諗去公司附近應該係得呢個地方好好食地適及我哋..講緊嘅就係呢一間長期排長龍嘅坐忘🤫 聽講話坐忘係由一對日本夫妻主理嘅餐廳..佢哋嘅日式咖喱係招牌菜而且相當正宗好味..最
。
。
🇯🇵 咖喱飯 在鰂魚涌 🇯🇵
。坐忘 Camper’s
。濱海街13號中興大廈地下
。
15種一日野菜350g咖喱飯
Daily Portion 350g Vege Curry
。HKD68
烤雞野菜忌康湯烏冬
Roasted Chicken and Vege Udon in Cream Soup
。HKD78
主餐奉送 熱/凍 日本焙茶一杯
Meals come with Hot / Cold Hojicha
轉 橙汁/蘋果汁
Change to Orange Juice / Apple Juice
。Additional HKD5
🤫 啱啱嗰個星期一同咗個成年都只係用Teams同Emails Communicate嘅HR同事仔食Lunch..話說佢因為Covid同埋要生B所以返咗印度成年..近排先一家大細返翻嚟香港..一於搵個啱佢食嘅好地方聚一聚
🤫 因為HR 同事仔係Vegetarian..但係我又係食肉獸🤭..諗嚟諗去公司附近應該係得呢個地方好好食地適及我哋..講緊嘅就係呢一間長期排長龍嘅坐忘
🤫 聽講話坐忘係由一對日本夫妻主理嘅餐廳..佢哋嘅日式咖喱係招牌菜而且相當正宗好味..最重要係佢哋有一個完全Vegetarian嘅野菜咖喱飯俾HR 同事仔食..我就揀咗佢哋嘅新品.. 烤雞野菜忌康湯烏冬
🤫 等我講吓個野菜咖喱飯先啦..佢個名講明係有15種蔬菜配搭而成嘅咖喱飯..聽落就知道相當豐富..等我試吓數下佢究竟有邊幾隻蔬菜先..眼見就有三色椒啦..(呢度當三種蔬菜㗎啦🤭)..翠玉瓜紅蘿蔔..南瓜粟米椰菜花西蘭花..甘筍薯仔白蘿蔔..仲有芹菜同埋洋蔥蓮藕..勁啊..我竟然數得晒喎..每樣蔬菜都非常之新鮮爽口..咁我呢個為食之鬼緊係忍唔住叫同事仔比啖咖喱我試吓啦..咖喱味香濃但係正如正常嘅日式咖喱一樣一啲都唔辣..撈飯一流..佢啲飯仲要係有用到其他五穀類撈埋一齊煮食..睇見都知道好健康..真係完全合乎商品說明條例..有齊一日所需
🤫 至於我嘅烤雞野菜忌廉湯烏冬亦都相當精彩..首先要即刻讚嘅就係佢哋呢個忌廉湯非常之好味..個Cream味十分之濃郁但係唔係厚嗰種..係一種你會覺得好特別嘅忌廉清湯..再嚟就係佢哋嘅烏冬..生熟程度啱啱好..煙靭得嚟掛湯..簡直就係佢哋獨有嘅忌廉湯嘅最佳拍檔..而我烏冬入邊都有相當之多嘅蔬菜..翠玉瓜紅蘿蔔白蘿蔔西蘭花椰菜花..至於雞肉份量亦都相當多..略嫌佢哋煮法太過健康..食到原始嘅雞肉味但係就冇乜調過味
🤫 跟餐飲品..我就揀咗我必揀嘅凍焙茶..HR同事仔就飲橙汁..兩樣都冇乜特別..夠凍夠解渴即可
🤫 最後講吓餐廳環境..餐廳以深色木系作為主色..好有日本鄉村小店嘅感覺..但係由於舖頭唔算太大又有好多客人..必然有少少迫嘅感覺..但係不至於好有壓迫咁..如果大家想嚟試吓嘅話..提一提你..Lunch Time無得訂位..同埋一定要早啲嚟攞位..如果唔係基本上冇可能食到..唔知佢哋天后間分店會唔會都係咁多人呢
。。
翻兜指數：🙆🏻♀️🙆🏻♀️ （5個🙆🏻♀️為翻兜爆燈）
。。
張貼
