Pan da Cafe

營業中

休息中

西貢chill一chill之《Pan da Cafe》西貢Cafe有好多，呢間《Pan da Cafe》推介大家去chill一chill，餐廳裝修同環境都好特別，環氣氛比人放鬆自在，餐廳內擺咗多款懷舊玩具、圖書、唱片等等，十分好feel，肉醬意粉：肉醬份量多同十分香，食得出唔似一罐罐買既肉醬汁，意粉口感彈牙，唔會過淋。芝士蛋焗大啡菇全日早餐：大啡菇非常大隻，啡菇入口好juicy，唔會焗到乾哂，芝士都香，令人一口接一口，伴碟既沙律菜同水果都新鮮，粟米粒好甜。白酒煮藍青口：藍青口雖然唔算好大隻，但十分鮮甜，入口食得有少少酒香。冰鎮黑咖啡：個壺設計特別，有個窿塞住冰塊，咖啡keep住都凍，功夫茶杯仔都幾特色，老闆過黎傾計介紹，講係咖啡豆混合幾種唔同既豆，所以咖啡飲落會有層次。總結：價錢唔貴算，餐廳左特色，好岩傾計。