20
11
24
電話號碼
27916801
開飯介紹
餐廳充滿田園風味,客人可享受多款特式咖啡,亦提供甜品,西式菜餚。 繼續閱讀
特色
飲o野傾計
營業時間
今日營業
全日休息
星期一至二
全日休息
星期三至日
12:00 - 22:00
付款方式
現金
其他資料
電話訂座
招牌菜
千層麵 芝士蛋糕 焗田螺酥盒伴煙挪威三文魚 蜜燒豬手肉
食評 (66)
等級2 2020-10-26
75 瀏覽
玩到好攰,誤打誤撞入咗呢間似雜貨店多過似餐廳嘅Cafe,估唔到有驚喜。-嗌咗兩個晚餐,鋸扒都係二百零蚊,有齊沙律、餐湯、嘢飲,特飲例如各式咖啡正價減$18,抵玩。-我哋嗌咗美國安格斯西冷牛扒配蒜香白飯同埋蜜燒豬手飯,加多個小食焗田螺。田螺最好食係啲薯蓉,好滑,好鮮味。主菜先講沙律,係細個會食到嘅味道,即係粟米🌽西芹菠蘿🍍加沙律醬,唔係貴嘢,但只要你年過27就會明我講緊咩味,甜多過酸,所有嘢被啲醬醃到淋哂,但又奇蹟地開胃。主菜牛扒🥩同豬手份量有誠意,對得住價錢,牛排叫五成真係有五成熟,坊間少有。白飯🍚好香口,軟硬適中,唔係最下價嘅米。豬手切到一片片薄片咁樣,有6、7片,少少甜,邊位微焦,肥瘦相間,配飯會吃得好過癮。熱mocha 上面有舊凍冰冰嘅cream,撞落熱咖啡度幾得意,好似哄小朋友開心嘅技倆。咖啡唔過甜,朱古力味幾香,同杯咖啡幾夾,意外地濃郁。見佢樣樣野都咁正路,叫多個甜品試下。檸檬🍋cheesecake 真係幾酸,啱晒大肚婆,略嫌芝士味不足,冇乜奶酪嘅香滑,餅底都冇乜香味,不過整體來講又係唔會過甜,太漏,作為餐後佐咖啡的甜點都叫合格。最後一定要講嘅係,唔好以為餐廳咁多雜物會大塵或者污糟,我懷疑老細有潔癖,環境好舒服乾淨,燈光柔和,好似返屋企食飯咁,仲要啲餐具光潔亮滑,可以照鏡,真係好感動。你夠老餅,當然可以嚟懷緬過去,睇到好多珍貴舊物,後生嘅亦可以嚟拓闊眼界,睇下啲老嘢當年興咩玩咩聽咩歌。老嘢表示: 真係好唏噓啊! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-28
292 瀏覽
話說係西貢行到攰攰地想揾間cafe chill 下,但係限聚令下間間都好full, 男友人無咩耐性,我地就求其入左呢間。呢間cafe外觀ok ge, sell vintage style。但係呢,入到去小妹覺得有少少似雜物房,有舊電器,舊書,對於食肆來講,加上小妹又有少少潔癖,衞生情況(起碼感覺上)好麻麻。All day breakfast首先,個蛋好老, overbooked, 又無咩味。粟米同黃豆係罐頭黎,無咩誠意。講真,火腿、腸仔同煙肉都係即食食物,無咩技巧可言。其實all day breakfast 係一些技術含量唔高嘅菜式,做得cafe又要做道菜,小妹認為一定要揾一些微小地方做得好,不可以求其做。有心同無心做,其實個客係知道嘅。Drinks我哋加左杯cappuccino, 質素都係好一般。首先,小妹唔係好識飲coffee, 都飲到係機冲的,無拉花都算,仲有啲苦,小妹甚至覺得公司嘅coffee仲好飲過佢。Cafe 來講,coffee 起碼要有基本水準, 如果cappuccino 都唔好飲,都係幾below par。小妹真心希望老闆可以積極改善,尤其係疫市下,真係好需要好味又靚嘅餐廳去打氣! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-05-27
370 瀏覽
恕因為食物質素同擺盤都令我地太失望,加上等待食物既時間太漫長,野食上台,連影相既衝動都無。當日夜晚行過,見黃店就想試下,research都無做,叫左幾樣野食,埋單600幾蚊,覺得中左大伏。❌餐湯跟餐有餐湯,兩碗紅色水,無味既,好似茄汁溝水🚫沙律罐頭菠蘿加粟米加西芹,擺得入口既,但無誠意❌pizza (around $100-$130)可以自己揀配料,味道好似中學家政堂整既,餅底成塊餅乾咁,又乾又硬。❌安格斯肉眼($288)等左好耐,一上菜,一切,好似超市買塊百幾蚊既排返屋企自己煎,無肉味,好彩叫唔會好難咬。但呢個價位,配菜都唔多覺,味道普通過唔普通,⭕️芝士焗生蠔(around $70)一pat醬放上面焗,熱辣辣,唔會難食,應是全餐最好食❌冰震朱古力除左個杯特別d,杯野朱古力味好淡,完❌黑芝麻鮮奶兩者會分層,blend唔勻,味道麻麻好真心希望老細改善下,雖則黃,但食物質素加價錢,伏到喊,咁樣600幾,比錢個下都打個突。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-26
203 瀏覽
行完山啦啵,喺時候食個下午茶,補充返消耗咗嘅體力💪🏻周末4點左右,附近嘅店都要排隊🤣呢間咁啱有位,就進店喔!內氣氛唔錯,擺滿好多懷舊玩具擺設🤡鐘意個霓虹燈、鐘、對聯、漫畫等等⋯店員伯伯更加一腳踢,都等咗一段時間先落到單🥺🍱All day breakfast $108呢個all day breakfast超豐富!材料豐富有腸仔🥓炒滑蛋🍳茄汁豆、粟米🌽煙肉、火龍果、蕃茄🍎麵包、青瓜🥒配橙汁同一杯飲品,非常羨慕友人咁識揀😏🥗煙鴨胸配鮮果沙律 $98 我中左伏😂呢個只有煙鴨胸同鮮果沙律,同2片青瓜🥒個沙律仲要喺撈沙律醬嘅生果,唔喺新鮮沙律菜😭朋友比咗火龍果同蕃茄我,成個感覺先至豐富啲😂呢個沙律性價比超低🙁🥤洛神花冷泡茶 & 檸檬茶冷泡茶冰放喺壺嘅中間,令茶唔會因為冰溶化而味道較淡,好鐘意呢個設計😆 繼續閱讀
(以上食評乃用戶個人意見 , 並不代表OpenRice之觀點。)
等級1 2020-05-10
166 瀏覽
A nice cafe to stop by in Sai Kung!🏞 Loved the cute interior design with vintage toys as decorations🧸🎈Food portion is relatively small but the taste is good😋😋😋 There's also plenty of items to choose from in the drinks menu👍🏼👍🏼👍🏼 I especially liked the Baileys Coffee they offered. Overall, this place is a nice and instagrammable cafe to chill at during weekends. It's slow-paced and cozy vibe allows you to both have a chat with friends over coffee, or to get some work done on your laptop. Will definitely come back and try out the rest of the menu! 繼續閱讀
(以上食評乃用戶個人意見 , 並不代表OpenRice之觀點。)