爆辣冷麵 (已搬遷) 新店位置

又係辣妹出動嘅時候💁🏻‍♀️ 聽聞元朗有間出名爆辣嘅撈麵，當然要挑戰吓～～見返呢種中學雞時代成日幫襯嘅冷麵店，好親切🤣🌝🌶辣度有唔同程度揀，平時食開譚仔大辣完全無感嘅我今次試咗中辣，難得feel到有辣味～家姐仲食到不停要飲奶添🤣🤣🤣佢哋嘅辣香口唔麻，食起嚟好開胃，真心有驚喜❗️爆撈小食用香甜粟米做base，撈埋韓式魚片、雞肉腸、蟹柳、蟹籽、魷魚同火腿丸，食材本身清淡，夾埋辣醬唔會過鹹。火腿丸紮實、粟米爽甜、蟹籽卜卜脆，咩口感都齊哂，難怪咁多人嗌！上過雜誌嘅招牌菜—— 4.5包冷麵加100g足料蟹籽，起碼三個人先食得哂。麵質偏冧軟，反而同爽脆嘅蟹籽攞返平衡，冷涼感同蒜香充分刺激食慾，忍唔住一啖接一啖，咁大盒但食落唔飽滯。那些年嘅經典小食，今時今日$15食得飽去邊度搵？同蟹籽冷麵唔同嘅地方係餸菜選擇較多，可以揀幾樣每樣試啲，啱哂眼闊肚窄人士。