更多
2020-07-20
1371 瀏覽
好耐無打邊爐啦~今晚約好友再次到訪「去滾」,上次試左原個椰子雞湯,今次一於試下蕃茄豬骨薯仔湯!餐廳裝潢好有舊香港特色,四周都有霓虹招牌,岩哂打卡。另設有私人包箱,又有露台區,可以望到維港景色,勁靚景!餐牌係夜報格式,食物名稱玩味十足。仲附有肚兜圍裙,好貼心~蕃茄豬骨薯仔湯味道濃郁酸酸地好易入口,營養豐富又好味,啖啖香甜。酥炸龍蝦球色澤金黃賣相吸引,即叫即炸熱辣辣,外酥脆內彈牙軟嫩。飛魚子蟹柳蟹柳鮮味十足,飛魚子口感爽脆。鮮蝦雲吞飽滿紮實,味道鮮香可口。蔬菜拼盤有齊爽甜栗米、新鮮爽脆生菜同滑順綿密,質地鬆軟既芋頭。海鮮拼盤推薦貴妃蚌鮮甜爽脆、帶子嫩滑鮮味又甘甜!
張貼