更多
2015-01-26
6398 瀏覽
已經食過三個TONY WONG 蛋糕, 無理由唔寫番個食評留念嘅~話說幾年前TONY WONG進駐九龍城之初, 人食我食咪執輸, Honey唯有順應我所想, 同我間中去"朝聖"一吓, 假日下午茶買幾件小蛋糕沖壺靚茶自己在家'High Tea', 係呀~ 兩個人食三件$100大元就拜拜喇! (今時今日今非昔比價錢已不可同日而語) 後來因為新鮮感過了, 食到尋常了, 於是轉風走去食咗好多次'豪華'蛋撻, 再後來因為豪華蛋撻成日假期下午排長龍, 我呢啲心多嘅為食貓間中又要食吓'義香'的豆花豆漿, 再且間中又要去'羊鞍'食下午茶香草燒雞脾沙律餐, 再近來自己玩烘焙, 假日下午茶通常都吃自家出品的什麼東東也好.......TONY WONG 已被我漸漸遺忘了......不過呢排每逢喜慶節日阿弟都喜歡走去TW買蛋糕回家, 於是我又有幸坐著等開餐! 名師出品, 外型靚之餘味道亦很好! 我們吃過Chocolate Truffle Cake, Chestnut Cake and Mixed Fruits Cake, 全部都好吃, Cream 打得幼細, 甜度剛好, 入口順滑, 蛋糕棉密
話說幾年前TONY WONG進駐九龍城之初, 人食我食咪執輸, Honey唯有順應我所想, 同我間中去"朝聖"一吓, 假日下午茶買幾件小蛋糕沖壺靚茶自己在家'High Tea', 係呀~ 兩個人食三件$100大元就拜拜喇! (今時今日今非昔比價錢已不可同日而語) 後來因為新鮮感過了, 食到尋常了, 於是轉風走去食咗好多次'豪華'蛋撻, 再後來因為豪華蛋撻成日假期下午排長龍, 我呢啲心多嘅為食貓間中又要食吓'義香'的豆花豆漿, 再且間中又要去'羊鞍'食下午茶香草燒雞脾沙律餐, 再近來自己玩烘焙, 假日下午茶通常都吃自家出品的什麼東東也好.......TONY WONG 已被我漸漸遺忘了......
不過呢排每逢喜慶節日阿弟都喜歡走去TW買蛋糕回家, 於是我又有幸坐著等開餐! 名師出品, 外型靚之餘味道亦很好! 我們吃過Chocolate Truffle Cake, Chestnut Cake and Mixed Fruits Cake, 全部都好吃, Cream 打得幼細, 甜度剛好, 入口順滑, 蛋糕棉密, 真係"上品"! Tony蛋糕全部幾百蚊個, 又'精緻'喎...同大型連鎖店那種兩磅蛋糕大大個盛惠$200蚊的來比當然沒得比! 但我想講的是, 不知什麼原因, 雖然Kool魔同MO哥係掂, sell到啲蛋糕好鬼吸引, 間中都有忍唔到手買番個食吓, 但近年那類連鎖店的蛋糕真係食少啲無損失, 因為"食不知其味", 蛋糕無蛋糕味, 有其型而無其味(型...仲要係抄人/COPY咗咁多款, 自己的餅師好意思嗎?).......又題外話添, 真多事!
正所謂:[人一世物一世], 有喜慶節日, 走去買個TONY WONG 或同級數的其他名物氹氹家人真係物有所值! 嘩! 咁貴~ NO, NO, NO!!! 當大家圍在一起打開蛋糕等切餅時, 見到造型這麼漂亮的蛋糕, 奢侈/浮誇!!! 真係未食都興奮! 面頭那幾粒波波當然係細路都Mark住, 你又話要呢粒, 佢又話要嗰粒, 其實我都好想要一粒 , 哈哈, 大家都咁期待, 咩都抵番晒!! 信我啦~ 反正當今銀紙貶值, 一千幾百尤如垃圾...放响袋都留唔耐, 不如食咗先算啦! YEAH~~~~~
**阿弟: 多謝晒! 好好味呀!
張貼
